Þú framúrskarandi LMLP kona!

Komdu með okkur til Madríd, höfuðborgar Spánar á árlegu LMLP ráðstefnuna: Framúrskarandi konan 

Á Framúrskarandi 2026 verður gleði, glæsileiki, samvera, hvatning og gefandi tengslanet. Við fögnum hver annarri og stígum inn í það sem er mögulegt fyrir okkur – saman. Þið sem þekkið til ráðstefnunnar vitið að hún er ógleymanleg: þú ferð heim full af eldmóði, með skýrari sýn og nýja trú á sjálfa þig.

Hvers vegna Madrid?

Við völdum Madrid – hjarta spænskrar listar, fegurðar og glæsileika – því hún sameinar þetta allt, menningu og innblástur á einstakan hátt. Madrid er einnig annað heimili Lindu, þar sem hún dvelur nú stærsta hluta ársins.

Ráðstefnan verður haldin á Mandarin Oriental Ritz, einu af virtustu hótelum Evrópu, þar sem list, saga og nútíma glæsileiki mætast. Hótelið stendur við El Retiro garðinn, steinsnar frá listasöfnum, verslunum og bestu veitingastöðum borgarinnar.

Þangað sækja heimsþekktir listamenn innblástur – og þar hafa konunglegar hátíðir, viðburðir og veislur verið haldnar.

Ráðstefnan er byggð upp í kringum sjálfsrækt og samveru – þar sem þú færð tækifæri til að staldra við, endurhlaða orkuna og tengjast bæði sjálfri þér og öðrum framúrskarandi konum.

Við leggjum áherslu á umbreytingu, tengsl og sjálfsvinnu í glæsilegu umhverfi þar sem þú mátt slaka á, verða uppnumin, stíga inn í framtíðarsjálfið þitt-og skína.

Sjálfsrækt & samvera