LMLP prógrammið er lífsþjálfun með áherslu á þyngdartap og sjálfsmynd. Á innri vef LMLP hefurðu aðgang að öllu efni, fyrirlestrum (mynd- og hljóðskrár) ásamt vinnuskjölum. Þú byrjar á því að fá aðgang að grunninum í LMLP sem er þyngdartap í lotu 1. Svo opnast fyrir meira efni í hverjum mánuði. Ef þú ert með ársaðild opnast á allt efni strax og þú uppfærist í VIP áfanga.
Þú nærð árangri með Lindu og starfsfólki hennar. Vikulega eru fundir í beinni útsendingu. Þú getur annaðhvort mætt á beina útsendingu eða horft síðar. Allir fundir eru teknir upp og settir inn á innri vef.
Einning er lokuð prívat Facebookgrúppa. Linda (og starfsfólk hennar) kemur þar inn á hverjum virkum degi og aðstoðar og leiðbeinir.

Svo framarlega sem þú ferð eftir því sem er kennt, já þá muntu grennast. Ekki spurning! Og upplifa allskyns aðrar breytingar á lífinu, sem þig órar ekki fyrir núna.

LMLP er lífstíll. Ef þú ert að leita að skyndilausn er þetta ekki fyrir þig. En ef þú ert tilbúin að vinna í sjálfri þér og gera þetta að lífstíl þá ertu á réttum stað. Konurnar sem eru í LMLP prógramminu eru ekki með neinn lokaendi, heldur er þetta lífstíll og þær halda áfram, mánuð eftir mánuð, ár eftir ár. Þær eru alltaf að læra eitthvað nýtt um sig sjálfar og fjárfesta í eigin heilsu, andlegri sem og líkamlegri, með því að vera í þessu samfélagi annarra kvenna. Skuldbinding er lágmark 3 mánuðir. Þetta prógramm er hvorki skyndilausn né spretthlaup heldur langtíma lífstíll.

Já. Það er lokuð prívat Facebookgrúppa aðeins fyrir LMLP aðildarkonur. Það er uppbyggjandi samfélag kvenna á sömu vegferð. LMLP er dásamlegt samfélag kvenna og umræður í Facebookgrúppunni eru jákvæðar og uppbyggjandi. Ef þú vilt aðstoð, ráðgjöf og árangur, þá er þér ekkert að vanbúnaði með þann stuðning sem þú færð í LMLP.

Þær sem vilja ekki vera á Facebook: Ekkert mál. Það eru konur sem eru ekki á Fb og það er allt í góðu lagi. LMLP prógrammið sjálft er á lokuðum innri vef og þar lærirðu allt sem þú þarft. Facebookgrúppan er meira eins og frímínútur!  

Allir fundir eru teknir upp og settir á innri vef 2-3 virkum dögum síðar. Þú missir því aldrei af fundi og getur horft á þá aftur og aftur, allt að ár aftur í tímann, þegar þér hentar. 

Þú getur valið um 2 leiðir:

Mánaðargreiðslur:
13.900 á mánuði.
Þú greiðir mánaðarlega meðan þú ert virk í aðild. Lágmarkstími er 3 mánuðir.

Ársaðild:
Þú greiðir árið fyrirfram. Þetta er besta verðið því þú færð 2 mánuði frítt og greiðir aðeins fyrri 10 mánuði eða 139.000 kr. 

Allri aðild þarf að sega upp skriflega með því að fylla út sérstakt form á innri vef LMLP. Úrsagnir fara ekki fram í gegnum skilaboð til Lindu á samfélagsmiðlum eða í tölvupóst.

Já! Linda og starfsfólk hennar er til taks að aðstoða þig og ráðlegggja alla virka daga. Þú getur sent inn spurningar, fengið þjálfun á fundum í beinni og verið í nánum tengslum við hana og starfsfólk LMLP.

Nei mín kæra!
Engar uppskriftir eða fyrirfram ákveðið matarplan. Mælt er með að borða úr 3 fæðuflokkum: Grænmeti, prótein og fitu. Áhersla er lögð á að sleppa hveiti og sykri fyrstu 4 vikurnar meðan verið er að rétta af hungurkvarðann. Að þeim tíma loknum ákveður hver og ein hvort hún vill bæta því aftur við.
Drekka 2 lítra af vatni á dag.

Þetta prógramm er ekki fyrir alla ...

Þetta prógramm er ekki fyrir þig ef þú;

-ert að leita að skyndilausnum.

-ert ekki tilbúin að gera þá vinnu sem þarf. 
-vilt að einhver annar taki ábyrgð á árangri þínum.

-vilt fá uppskriftir af því hvað þú átt að borða.

-þú ert með átröskun.

Já, hér segja þeir frá upplifun sinni af prógramminu, í eigin orðum;

Ég hef alla tíð verið í yfirþyngd, en verið þokkalega dugleg að ganga úti og hreyfa mig. Eftir að ég fótbrotnaði fyrir um fjórum árum, komu upp erfiðar bólgur í fætinum svo að öll hreyfing og gönguferðir heyrðu sögunni til. 

Ég var svo lánsöm síðastliðið vor að taka eftir auglýsingu um 4 vikna námskeið hjá Lindu  "hættu að borða of mikið"  skráði mig og hreinlega byrjaði nýtt líf <3 þann mánuð fóru 6 kíló :) 

Í haust byrjaði Linda með þetta prógramm og auðvitað ákvað ég að skrá mig aftur, enda vissi ég að hverju ég gekk. 

Þetta er ótrúlega einföld aðferðafræði og stuðningurinn er góður með fundum og fyrirlestrum, ásamt eyðublöðum.

Ég hef reynt ótal kúra og matarprógröm um ævina, en þetta er það allra, allra einfaldasta og þægilegasta sem ég hef prófað ...ekkert vesen, hvorki að telja kaloríur né vigta mat. 

Það eru 8 mánuðir síðan ég byrjaði hjá Lindu, (þar af 3 mánuðir í sumarfrí) og 17 kg. farin.

Ég hefði aldrei trúað því að hægt væri að léttast jafn auðveldlega og raun ber vitni.

Takk Linda, fyrir þessa töfralausn sem þú ert að bjóða uppá <3

Sigrún Hafdís Guðmundsdóttir
60 ára, húsvörður.

 
- - - 

Ég  var orðin alltof þung og mig vantaði hjálp og utanumhald til að léttast.
Það kom mér á óvart að prógrammið getur gefið svo miklu meira. Nú gefst mér tækifæri til að vinna úr málum úr fortíðinni sem hafa plagað mig lengi.

Athyglinni er beint innávið ólíkt mörgum öðrum progrömmum.

Efnið er áhugavert,vel og skýrt sett fram. Linda talar mannamál og talar hreint út um málin. Hún veit um hvað hún er að tala.

Ég er nú þegar búin að missa 15 kg og komin nálægt markmiði mínu í þyngd. Nú tekur við að halda þyngdinni stöðugri og vinna í sjálfri mér.

„Lífið með Lindu Pé“ er besta gjöfin sem ég hef gefið sjálfri mér.

Ásdís Óskarsdóttir
51 árs, skólaliði.

 - - - 

Ég byrjaði í prógramminu hjá Lindu í haust, þrátt fyrir flutninga og lítinn tíma. Ég mæti þegar ég get og veit að ég missi aldrei af neinu, því allt efni er sett inn á lokað vefsvæði þar sem ég get horft eins og mér hentar.

Ég byrjaði að fasta með hléum og var viss um að ég gæti ekki sleppt morgunmat en það er ekkert mál og það sama á við um að sleppa millibitum.

Þrátt fyrir að ég geri vel við mig í mat eru 5 kíló farin- og ég alsæl.

 Mér finnst námskeiðið frábært, faglega unnið og vel sett fram.
Ég get svo sannarlega mælt með því og hlakka til að halda áfram.

Kristjana Þráinsdóttir

60 ára, fyrrum flugfreyja.

Lífsþjálfun snýst meðal annars að vinna með hugsanir þínar og þau áhrif sem þær hafa á niðurstöðuna í lífi þínu. En það er best ég leyfi konunum sjálfum að segja hvaða áhrif lífsþjálfun hefur haft á þær;

„Ég hef verið í þessu heilsueflandi LMLP prógrammi hjá Lindu Pétursdóttir síðan í september 2020. Ég held ég hafi sjaldan gert neitt eins gott fyrir sjálfa mig eins og að taka þátt í þessu prógrammi og taka frá tíma fyrir mig í því. 

Ég var komin í yfirvigt og mér leið ekki vel, ég var óánægð með sjálfa mig og reif mig niður við hvert tækifærið sem gafst. Mig langaði að léttast og bæta bæði andlega og líkamlega líðan.
Í þessu prógrammi fékk ég svo sannarlega það sem mig vantaði, frábær tæki til að vinna með sem mig hefði aldrei grunað að mundu virka svona vel. Ég notaði tækin sem mér voru fengin og ég notaði þau rétt og vel með frábærum leiðbeiningum og  stuðningi frá Lindu og hópnum. Allt sem ég gerði virkaði. Strax frá upphafi fór mér að líða miklu betur og kílóin runnu af mér. Ég stóð með sjálfri mér og markmiðum mínum og ég „hlýddi Lindu“. Þessi heilsuefling er svo allt, allt öðruvísi en „megrunarátök“ sem ég hef tekið þátt í, þetta er bara svo skemmtilegt og auðvelt. Ég hreinlega finn lausnirnar sjálf, finn hvaða matur hentar mér best. Ég læri að hlusta á líkama minn, hugsa fram í tímann, skoða framtíðarsjálfið og sjá mig fyrir mér í framtíðinni. Ég hugsa um hugsanir mínar og hreinlega hugsa mig í góða líðan en allt með dyggri hvatningu og aðstoð Lindu sem kennir okkur með sinni einstöku hlýju, sannfæringu og færni. 

Nú eru liðnir 4 mánuðir síðan ég byrjaði hjá Lindu Pé, ég hef misst 13.5 kíló og ég hef náð markmiðum mínum hvað varðar þyngdartap. Ég er enn að efla mig andlega og ætla að halda áfram í „Lífið með Lindu Pé" prógramminu þar til ég sigra heiminn."

Sólveig Einarsdóttir
65 ára, sjálfstætt starfandi leikskólastjóri.

- - - 

„Markmiðin sem ég var að leita eftir voru að létta mig aðeins og styrkja og geta að haldið því svoleiðis áfram ekki að fara í einhvern megrunarkúr sem maður endist aldrei í. Eftir að hafa lesið mér til um prógrammið hjá Lindu ákvað ég að prófa og athuga hvort þetta væri eitthvað fyrir mig, en ég var pínu efins fyrst hvort þetta væri fyir mig en ákvað að prófa og sé sko alls ekki eftir því og get mælt 100 % með þessu prógrammi. Þetta er frábært prógramm sem ég hef algjörlega tileinka mér og farið eftir.

Linda setur prógrammið svo flott og aðgengillega upp, heldur vel utan um allt og styður mann alveg 100%. Linda passar mjög vel upp á að maður gefist ekki upp og ef maður er eitthvað að fara útaf strikinu er hún til staðar á hliðarlínunni til að leiðbeina manni, peppar mann upp og hvetur mann áfram.

Þetta er  frábært efni sem ég hef algjörlega heillast af og sem ég mun tileinka mér í framtíðinni einnig hefur þetta hjálpað mér að vinna úr áfalli sem ég varð fyrir rúmu ári síðan því þú getur notað þessi fræði á svo margan hátt en bara til að léttast.
Ég er búin að fá alveg heilan heilling út úr þessu prógramm og eitt að því að mér líður svo miklu betur.
Er búin að ná góðum árangur sem skilar sér í betri líðan bæði andlega og líkamlega.😊

Mér finnst þetta prógamm mjög fróðlegt og skemmtilegt og hef alveg sokkið mér ofaní þessi fræði og ef maður tileinkar sér þetta prógramm og lífsþjálfun, þá er árangurinn eftir því. Mér finnst Linda gera þessa lífsþjálfun mjög skemmtilega, hvetjandi, áhugaverða þannig að maður tímir ekki að missa af neinu sem hún setur inn á vefsíðuna eða þá fyrirlestra sem hún er með á netinu því það gefur manni svo mikið. 😊   
Ég er búin að ná mjög árangri og síðan ég byrjaði fyrir einum og hálfum mánuði síðan eru farin ca 6 kg. Ég gerði mér áramótamarkmið að losna við 4-6 kg og er ég búin að ná þeim núna."

Sandra Konráðsdóttir
45 ára, leikskólastjóri.

- - - 

„Ég skráði mig í prógrammið hjá Lindu Pé fyrir mánuði síðan og sé ekki eftir því. Það sem að ég var að leita að var stuðningur, hvatning og verkfæri til að bæta lífstílinn minn og vinna að varanlegu þyngdartapi. 

Ég tók strax eftir því hversu faglegt og vel unnið prógrammið er þar sem Linda leggur mikla alúð og hlýju í að hvetja og styðja "konurnar" sínar. Prógrammið er ólíkt öllum öðrum námskeiðum sem að ég hef farið á þar sem lögð er áhersla á mátt hugsana á líðan og hegðun í tengslum við mat, langanir, sjálfsniðurrif og hungurkvarða. Þetta er algörlega ný nálgun fyrir mig sem fylgt er eftir með umhyggju en ákveðni, Prógrammið inniheldur ótal mörg verkfæri og skemmtilegar áskoranir sem styðja mig í að ná markmiðum mínum.  Á fundum fyllist maður líka eldmóði um að standa sig áfram þar sem að stuðningur frá öllum þessum frábæru konum og Lindu hvetur mann til dáða.

Mér finnst frábært að finna hvað ég er orðin meðvitaðri um HVAÐ, HVERNIG og AF HVERJU ég borða. Ég hlakka til að halda áfram!"

Svava Rós Sveinsdóttir

51 árs, náms- og starfsráðgjafi.