Mörk er best að setja út frá ást og væntumþykju. Ekki út frá stjórnun, ótta og valdaþörf. Byrjaðu á að átta þig á af hverju þú vilt setja mörk. 

Í lífsþjálfun lærum við að annað fólk má vera eins og það er og hegða sér eins og það vill. Það eina sem við fáum að stjórna er hvað við hugsum um það og hvernig við viljum bregðast við. Ef þér finnst að þú þurfir að setja mörk fyrir þig þá segir þú viðkomandi hvað þú munt gera ef viðkomandi heldur áfram að gera það sem hann er að gera. Ekki hvað viðkomandi þarf að hætta að gera eða byrja að gera. 

Við erum ekki að reyna að stjórna öðrum þegar við setjum mörk. Þetta snýst um hvað þú munt gera, ef farið er yfir þín mörk.

Byrjaðu á að finna út hvaða hugsanir valda því að þú hugsar um útlitið eins og þú gerir í dag. 

Af hverju viltu hugsa betur um útlitið en þú gerir?
Það er mjög mikilvægt að átta sig á hvað maður hugsar núna og átta sig á ástæðunni fyrir að maður vill gera breytingu. Við þurfum að hafa sannfærandi ástæðu til þess að heilinn sjái ástæðu til að vinna í átt að þessu. Þegar þú hefur áttað þig á af hverju þú hugsar um þig eins og þú gerir núna skaltu ákveða hvað þú vilt hugsa sem hvetur þig til að setja inn rútínu sem þjónar því sem þú vilt. Ef þú hefur til dæmis verið að hugsa að þú hafir ekki tíma eða að þetta skipti ekki máli þarftu að horfast í augu við að það eru hugsanir sem hafa orðið til þess að þú ert þar sem þú ert núna. 

Hvað viltu hugsa?  Til dæmis að þú viljir líta betur út til að auka sjálfsöryggi þitt og því ætlir þú að setja inn daglega rútínu í að ( ….fylltu inn). Svo æfir þú þig í að hugsa nýju hugsunina á sama tíma og þú æfir nýja daglega rútínu sem styrkir nýju hugsninuna. Með tímanum verður þú kona sem hugsar vel um sig á hverjum degi.

Hugsanastjórnun er hæfileikinn til að auka meðvitund um eigin hugsanir og velja þær sem þjóna okkur. Hún er mikilvæg vegna þess að hugsanir okkar móta líf okkar og án þess að stjórna þeim er ólíklegt að við upplifum lífsins lystisemdir.

Sjálfsöryggi er trúin á eigin hæfileika til að takast á við nýjar aðstæður og mistök, en öryggi er að byggja á fyrri reynslu og forðast mistök. Sjálfsöryggi byggir á framtíðinni, meðan öryggi byggir á fortíðinni.

Með því að vera tilfinningalega fullorðnar, tökum við ábyrgð á því hvernig okkur líður, burtséð frá hvað aðrir segja eða gera. Við berum ábyrgð á eigin hugsunum sem móta tilfinningar okkar og líðan.

Ímyndunaraflið hjálpar okkur að taka ákvarðanir út frá möguleikum okkar í framtíðinni, í stað þess að festast í fortíðinni. Með því að hugsa eins og útgáfa af okkur sem hefur náð árangri getum við búið til nýja hegðun sem leiðir til betri niðurstöðu.

Vandamál eru afurð hugsana okkar. Með því að hugsa lausnamiðað og spyrja kröftugra spurninga, eins og „hver er lausnin á þessu vandamáli?", hjálpum við heilanum að vinna að lausnum og finna leiðir til að leysa vandamálin. Gæði lífs okkar ákvarðast af gæðum spurninga okkar og það er á okkar ábyrgð að spyrja okkur kröftugra spurninga.

Vandamál eru afurð hugsanaHugurinn mótar veruleika okkar með hugsunum. Hugsanir skapa sjálfsmynd okkar og með tímanum verður sjálfsmyndin að veruleika okkar. Þegar við höfum hugsað sömu hugsunina aftur og aftur endar hún á að verða að trú í huga okkar og breytist í viðhorf. Allt sem við höfum í lífinu endurspeglar hvernig við höfum hugsað og hvernig við hugsum núna. okkar. Með því að hugsa lausnamiðað og spyrja kröftugra spurninga, eins og „hver er lausnin á þessu vandamáli?", hjálpum við heilanum að vinna að lausnum og finna leiðir til að leysa vandamálin. Gæði lífs okkar ákvarðast af gæðum spurninga okkar og það er á okkar ábyrgð að spyrja okkur kröftugra spurninga.

Til að ná varanlegum breytingum verðum við að uppfæra hugarfarið okkar. Ef við höldum áfram að hugsa á sama hátt og áður munum við endurtaka gamla hegðun. Með því að breyta hugsunum okkar, breytum við tilfinningum og hegðun, sem leiðir til raunverulegra breytinga.

Tilfinningarnar okkar stjórnast af hugsunum okkar um aðstæður, ekki aðstæðunum sjálfum. Hugsanir okkar framkalla tilfinningar sem svo ýta undir hegðun okkar. Þannig getur mismunandi fólk upplifað sömu aðstæður með ólíkum tilfinningum eftir því hvernig það hugsar um þær.

Við getum brotið upp gamlar taugabrautir með því að byrja að æfa nýjar hugsanir sem kalla fram nýjar tilfinningar og nýja hegðun. Þetta krefst æfingar þar sem við verðum meðvitaðar um núverandi hugsanir okkar og setjum inn uppbyggilegar hugsanir í staðinn. Það getur verið gagnlegt að nota tröppuhugsanir þar sem við förum frá hamlandi hugsun yfir í kröftuga hugsun tröppu fyrir tröppu.

Sjálfsniðurrif dregur úr sjálfstrausti okkar og leiðir til vanmáttar og vonleysis, sem stuðlar að vanvirkni. Til að hætta því er nauðsynlegt að átta sig á þegar sjálfsniðurrif byrjar og leiðbeina hugsununum aftur í jákvæðari átt með uppbyggilegum hugsunum.

 Sjálfsagi er tilfinningsem kemur frá því hvernig þú hugsar. Byrjaðu að taka eftir því hvernig þér líður þegar þú segir þér að þig skorti sjálfsaga. Það er líklegast ekki mjög hvetjandi tilfinning. Mundu að þú talar lífið til þín. Þannig að skref 1 er að hætta að segja þér að þig skorti sjálfsaga. Það þjónar þér ekki. Finndu svo allar sannanir sem þú hefur fyrir því að þú hefur heilmikinn sjálfsaga. Ef þú mætir í vinnuna, burstar tennurnar, eldar mat og jafnvel sinnir börnum alla daga ertu sjálfsöguð. Hvað ertu að segja þér um þig í því hlutverki. Þú ert líklegast að einblína á eitthvað eitt svið í lífinu þar sem þér finnst þú ekki hafa sjálfsaga. Byrjaðu að segja þér eitthvað nýtt. Þú getur til dæmis byrjað að hugsa að þú sért að byrja að tileinka þér sjálfaga á þessu sviði og svo ferðu þarna út og gerir eitthvað á hverjum degi sem sannar þetta fyrir þér. Áður en þú leggst á koddann á kvöldin gefur þú þér fimmu því þú ert sjálfsöguð kona sem stóð við það sem hún ætlaði sér þann daginn. Einn dagur í einu og þú lærir að trúa því að þú sért sjálfsöguð kona.

 Þetta gerist þegar við reynum að byggja framtíðina á fortíðinni. Í LMLP gerum við það ekki. Fortíðin er ekkert  annað en hugsanir þínar um hana núna. Ákveddu hvað þú ætlar að taka með þér og byrjaðu að hanna framtíðina með nýjum og ferskum hugsunum um þig. Það er í boði. Byrjaðu að æfa nýjar hugsanir um þig sem heiðra þá frábæru konu sem þú ert. Finndu hugsun sem lætur þér líða aðeins betur í dag en í gær, ein hugsun í einu. Minntu þig á hvað það er margt sem þér hefur ekki mistekist. Heilinn í þér vill minna þig á mistökin en þú þarft að læra að leiðbeina honum í nýja og jákvæðari átt og það gerir þú með því að hugsa kröftugri hugsanir og spyrja þig kröftugra spurninga. Hvernig veit ég að mér tekst þetta núna. Hvernig get ég haft meiri trú á mér? Hvernig er ég frábær?

Þetta er mjög algengt og gott dæmi um óttann við að upplifa tilfinningar okkar. En vonbrigði er tilfinning sem þú getur alveg upplifað. Ef þú setur þér ekki markmið og lifir ekki draumana þína þá eru það vonbrigði sem ég kallast að upplifa vonbrigðin fyrirfram. Ég lít svo á að það sé betra að upplifa vonbrigði sem geta fylgt því að ná ekki fyllilega markmiðinu af því að þú fékkst að vera kona sem var hugrökk og fór á eftir draumnum sínum. Það er heilmikill vöxtur og þroski í því. Það er hins vegar ekki að finna í því að sitja heima og þora ekki að setja sér markmið af ótta við tilfinningu. Láttu vaða og vittu að þú getur tekist á við allar þær tilfinningar sem koma upp á vegferðinni. Mundu að hafa gaman af því það er alltaf í boði og gerir þetta svo miklu skemmtilegra.

Ofát getur verið vani eða þá að  þú ert að borða tilfinningar þínar. Byrjaðu að taka eftir því hvað þú ert að hugsa um helgar sem leiða til ofáts. Þetta þarf alltaf að byrja með aukinni meðvitund og skilningi á því hvað hvetur til ofátsins. Svo þegar þú ert búin að átta þig á hvaða hugsanir þetta eru þarftu að finna aðrar hugsanir til að hugsa í staðinn sem hvetja þig til að gera eitthvað annað en borða. Svo þarftu að tileinka þér að leyfa löngun í stað þess að bregðast við henni. Ég hvet þig til að tileinka þér langanakrukkuna og horfðu á efnið í lotu þrjú, þar er sérstakur þáttur um helgar.

Aðrir hafa ekki vald til að draga úr þér. Það er það sem þú hugsar sem dregur úr þér. Það er það fyrsta sem þú skalt trúa. Farðu að segja þér aðra sögu og láttu af þessari trú. Þessi setning gerir þig að fórnarlambi og það er ekki hægt að gera breytingar á eigin lífi ef maður trúir því að aðrir þurfi að breytast til að breytingarnar geti átt sérstað. Finndu styrkinn þinn með því að hugsa kröftugar hugsanir og spyrja þig kröftugra spurninga. Hvernig get ég staðið með sjálfri mér þegar mér finnst að aðrir séu að reyna að draga úr mér? Hvernig get ég verið dæmi um hvað er mögulegt í hópnum mínum? Finndu það sem þér finnst henta og það sem gerir þig að hetjunni í sögunni þinni ekki fórnarlambi.

 Þetta er eitt af því sem við konur höfum oft talið okkur trú um að sé göfugt og eitthvað sem við eigum að gera. En það er ekkert betra sem við getum gefið börnum okkar en okkar eigin hamingja. Þegar við fórnum okkur fyrir börnin og fjölskylduna skilur það okkur eftr gramar og bitrar út af óuppfylltum draumum og það græðir enginn á því. Það græða allir í kringum þig á að þú setjir þig í fyrsta sæti. Við erum miklu betur til þess búnar að gefa af okkur þegar við höfum sinnt okkar eigin þörfum fyrst.

Þarna er frumheilinn þinn að vinna vinnuna sína. Þú ert líklega vön að hafa áhyggjur af mat og þyngd og það hefur verið þitt vanalega ástand. Núna ertu farin að sjá að þær áhyggjur geta farið að heyra sögunni til og þá upplifir heilinn þinn ónot af því að hann reynir alltaf að koma þér í kunnuglegt ástand. Andaðu þig bara í gegnum þetta og segðu þér að þetta sé allt eðlilegt. Ekkert hefur farið úrskeiðis, heilinn er bara að vinna vinnuna sína. Svo skaltu skrifa niður allar þær sannanir fyrir því að þú átt alveg eftir að geta haldið þessu. Bara það eitt að þú sért í LMLP og að læra hugsanastjórnun er fínasta svar við þessum ótta. Þú kannt að stjórna hugsunum þínum og leyfa tilfinningar þínar. Eitthvað sem þú kunnir ekki áður

Þetta getur verið vani og ótti við að upplifa tilfinningar þínar. Byrjaðu að búa til meðvitund um þau skipti sem þú borðar of mikið. Fylgstu með hvað þú ert að segja þér á undan ofátinu,  meðan á því stendur og á eftir. Þetta eru hugsanirnar sem viðhalda vananum. Þú þarft að brjóta upp þetta hugsanamynstur með því að bæta inn nýjum hugsunum. Þú svarar frumheilanum þínum þegar hann byrjar að hvetja þig til að borða of mikið. Og svo leyfir þú lönguninni að flæða í gegnum þig og lærir að löngun er ekkert 

annað en tilfinning, titringur sem fer í gegnum líkamann þinn á stuttum tíma og þú þarft ekki að svara henni. En þú þarft að auka meðvitund þína til að þú getir gripið þig. Ofát sem er mikill vani getur gerst svo snöggt að það er eins og við séum viljalaust verkfæri en við lögum það með því að fylgjast með huga okkar.

Með því að byrja að hugsa nýjar hugsanir um þig og minna þig á að fortíðin segir ekki til um hvað þú getur gert í framtíðinni. Þær sem halda alltaf áfram ná markmiðinu sínu. Það eru bara þær sem gefast upp sem ná þeim ekki. Byrjaðu að hugsa nýjar hugsanir um þig og farðu inní daginn þinn á hverjum degi staðráðin í að sanna nýja hugsun rétta.

Það er ekkert sem heitir að detta af vagninum. Byrjaðu að minna þig á það af því að þessi setning býr líklega til uppgjafartilfinningu hjá þér. Mótivering er tilfinning sem kemur frá hugsun þinni. Þú finnur hana ekki ef þú hugsar að þú sért dottin af vagninum. Spyrðu þig kröftugra spurninga. Hvernig er þessi dagur fullkominn til að fara af stað aftur. Hvað get ég gert í dag til að vera stolt af mér þegar ég leggst á koddann í kvöld. Af hverju er það þess virði að fara aftur af stað. Minntu þig á ástæðuna þína fyrir að þú vilt fara af stað aftur. Gangi þér vel.

 Byrjaðu á að segja þér aðra sögu. Ég er að læra að skrifa í dagbók er strax miklu kröftugri setning en ég veit ekki hvað ég á að skrifa. Heilinn í þér sannar alltaf það sem þú hugsar og á meðan þú segir honum að þú vitir ekki hvað þú átt að skrifa eru litlar líkur á að þú finnir út úr því. Það er engin ein leið rétt en það er gott að spyrja sig spurninga til að byrja með. Hvernig líður mér, fyrir hvað er ég þakklát, hvað var gott í dag? Hvernig getur morgundagurinn verið enn betri en dagurinn í dag? Hvernig var dagurinn minn í dag? Hvernig leið mér? Hvað var ég að hugsa sem bjó til tilfinningu mína? Hvað hefði ég getað hugsað annað? Hver vil ég vera í dag? Hvað þarf ég að hugsa til að vera mín besta útgáfa í dag? Þetta eru tillögur svo snýst þetta bara um að byrja og svo kemur þetta smám saman.

Byrjaðu á að láta af hugsuninni um að þú eigir erfitt með þetta. Sú hugsun heldur aftur af þér og þú nærð ekki utan um þetta á meðan þú trúir þessari hugsun. Sjáðu þig sem skipulagða konu og byrjaðu að taka frá tíma sem þú ákveður fram í tímann til að hlusta og vinna vinnuna. Byrjaðu bara smátt og auktu frekar við tímann smám saman. Þannig venst heilinn á þér þessum nýju breytingum sem þú ert að innleiða.

 Lífsþjálfun er orsakaþjálfun sem finnur út úr þeim hamlandi hugsunum sem halda aftur af þér. Þú lærir að ná þessum hugsunum upp á yfirborðið og láta af þeim eða setja nýjar inn í staðinn. Þegar þú lærir þessa tækni ferðu að sjá nýjar niðurstöður í lífinu og breytingar fara að koma í ljós. Ein hugsun í einu. Þú lærir líka að leyfa og upplifa tilfinningar þínar og hættir að forðast þær með því að borða yfir þær. Þetta ásamt svo mörgu öðru öðlast þú með tækjum og tólum lífsþjálfunar.

Eins langan tíma og þú vilt gefa þér. Þetta fer allt eftir því hversu mikið þú vilt skuldbinda þig og hvað þú vilt gera mikið. Aðalmálið er að trúa því að þú getir náð þessum 10 kílóum af þér og sjá framtíðarsjálfið fyrir þér sem hefur náð því. Svo ákveður þú hvað þú ætlar að gera til að ná þessu markmiði og byrjar ferlið. Tíminn er undir þér kominn en ég hvet þig til að ákveða að hafa gaman á leiðinni að markmiðinu af því að það er enginn hamingjusamur endir á óhamingjusamri vegferð.

Búðu þig undir það. Lífið gerist alltaf og við vitum innst inni alveg hvaða óvæntu uppákomur geta verið að koma upp. Krafturinn í lífsþjálfun er að við gerum alltaf ráð fyrir hindrunum. Búðu þér til lista af hugsunum sem þú grípur í í hvert skipti sem hindrum kemur upp. Þetta kemur allt með æfingunni.

Byrjaðu að afhjúpa þær hugsanir sem búa til vantrú, sjáðu sjálfa þig fyrir þér í framtíðinni þegar þú ert að hafa trú á þér. Hvað er hún að hugsa? Byrjaðu að æfa þig í að hugsa þessar hugsanir á meðan þú lætur af þeim gömlu. Settu inn daglegar athafnir sem ýta undir nýja trú á þér og æfðu á hverjum degi. Æfðu nýja hugsun og gerðu eitthvað sem styður nýju hugsunina. Aftur og aftur þangað til að þú ert orðin kona sem hefur trú á þér. Finndu líka eitthvað dæmi úr lífinu þínu þar sem þú hefur trú á þér. Hvað ertu að hugsa um þig þar og af hverju. Byrjaðu svo að hugsa þessar sömu hugsanir um þig þar sem þú finnur fyrir vantrú.

Þetta er partur af lífinu og það er enginn sem er alltaf peppaður. Lífið hefur alltaf sínar andstæður en aðalmálið er að vita að þegar dagur kemur þar sem þú upplifir að þú missir dampinn að láta það ekki þýða of mikið. Ekki fara að segja þér að þetta sé allt ómögulegt. Þannig gefumst við alltaf upp. Talaðu fallega til þín með sjálfsmildi og segðu þér að þetta er bara einn af þessum dögum. Vertu forvitin um hvað er að láta þig upplifa að þú sért að missa dampinn. Minntu þig á hvað er að ganga vel. Leiðbeindu heilanum í jákvæða átt. Og haltu áfram. Lærðu af þessum degi eða dögum og haltu áfram.

Planaðu seinnipartana þína. Við þurfum alltaf að gefa framheilanum leiðbeiningar um hvert hann er að fara. Annars nær frumheilinn yfirhöndinni og fer með okkur í kunnuglegt ástand. Þú getur líka notað langanakrukkuna og lært að leyfa langanir á sama tíma og þú ákveður hvernig fullkominn seinnipartur myndi líta út hjá framtíðarsjálfinu þínu sem er ekki að borða. Byrjaðu svo að setja inn nýjar daglegar athafnir seinnipartinn.

Byrjaðu á að fagna ákvörðun þinni um að hafa skráð þig. LMLP er lífsþjálfunarprógramm sem kennir þér allt sem þú þarft til að bæta líf þitt. Þú færð mest út úr prógramminu ef þú tekur virkan þátt. Horfðu á kennsluefnið og byrjaðu að tileinka þér það sem þar er kennt. Mættu á fundina eða horfðu á upptökur og taktu virkan þátt í FB grúppunni okkar. Ef þú gerir þetta allt og viðheldur opnu vaxtarhugarfari þá nærðu árangri.

Að hætta að velta þér upp úr hvað hefði getað orðið yfir í það hvað getur orðið og hvað verður, þetta er mín persónulega spurning til þín. 

Það er í raun bara ákvörðun að hætta að líta í baksýnisspegilinn og fara að horfa fram á við. Það þjónar engum að horfa til baka og velta sér upp úr því hvernig hefði verið hægt að gera hlutina öðruvísi. Það býr til eftirsjá, sektarkennd og gremju. Við þurfum samt að átta okkur á að þetta eru allt tilfinningar sem koma frá því hvað við hugsum. Eitt af því mikilvægasta sem við þurfum að gera til að byrja að skapa bjarta framtíð fyrir okkur er að ákveða meðvitað og vísvitandi hvaða sögu við ætlum að segja okkur um fortíðina. Við fáum að ráða því. Hvaða saga þjónar okkur best. Þung og neikvæð saga sem við erum með núna um fortíðina er að fara að hafa áhrif á framtíðina nema við ákveðum að leyfa því ekki að gerast. Veljið kröftugar hugsanir um fortíðina og æfið ykkur í að gera það að sögunni ykkar. Hvað ef fortíðin var nákvæmlega eins og hún átti að vera? Þú værir ekki sú sem þú ert í dag ef þú hefðir ekki átt þessa fortíð. Hvað ef allir voru að gera sitt besta. Spurðu þig kröftugra spurninga og veldu kröftugar og uppbyggilegar hugsanir um foríðina. Stígðu svo inní endalausa möguleikana sem eru í boði í framtíðinni.Gangi þér vel.

Markmið okkar í LMLP er framfarir en ekki fullkomnun og við vitum að einu konurnar sem ná ekki árangri hér, eru þær sem hætta og gefast því upp fyrirfram.

Fagnaðu nú ákvörðun þinni með að vera hér í þessu dásamlega samfélagi- og ákveddu að verða óstöðvandi!

Allt sem þú þarft að læra til að bæta líf þitt lærirðu í LMLP prógramminu.

Byrjaðu á að láta af hugsuninni um að þú eigir erfitt með þetta. Sú hugsun heldur aftur af þér og þú nærð ekki utan um þetta á meðan þú trúir þessari hugsun. Sjáðu þig sem skipulagða konu og byrjaðu að taka frá tíma sem þú ákveður fram í tímann til að hlusta og vinna vinnuna. Byrjaðu bara smátt og auktu frekar við tímann smám saman. Þannig venst heilinn á þér þessum nýju breytingum sem þú ert að innleiða.

Best er að byrja á að horfa  á efnið í lotu 1, mæta á byrjendafundi og tileinka þér Grunnreglurnar 4. Það er góð byrjun og mundu að það dregst enginn aftur úr, þú getur farið þetta á eigin hraða. Ég vil bjóða þér að gera þetta spennandi og skemmtilegt með því að hugsa jákvætt. Þær einu sem ná ekki árangri hér, eru þær sem gefast upp.
Valið er alltaf þitt.

Planið. Vatn. Svefn. Hungurkvarðinn.
Skrifa planið alla daga, drekka 2 lítra af vatni, sofa 7-9 klst. á nóttu og vera meðvituð um hungurkvarðann.

Framheilinn getur látið alla þína drauma rætast. Hann getur tekið ákvarðanir fyrirfram, sett sér markmið, séð fyrir sér drauma rætast og mótað áætlanir. Þar er mennskan í okkur. Hann er þróaðasti hluti heilans og þaðan er framkvæmdum stjórnað. Það er þar sem við tökum meðvitaðar ákvarðanir. Framheilinn er orkufrekur. Við notum hann bara í mikilvæg verkefni sem við viljum eyða miklu púðri í.

Hinn hluti heilans er frumheilinn (litli heili) -sjálfvirk meðvitund þín sem er afkastamikil og fyrirfram forrituð. Frumheilinn stjórnar viðbrögðum, lausnum og aðgerðum hratt og örugglega og án mikillar orku. Heilanum þykir gaman að vera duglegur. Hann hefur gaman að því að eyða eins lítilli orku og mögulegt er og stillir því eins oft og hann getur á frumheilann sem er fyrirfram forritaður.

Hér í LMLP prógramminu kenni ég þér (frá Lotu 2 sem opnast á mánuði 2 eða strax fyrir þær sem eru með ársaðild) það verkfæri sem mér finnst hafa haft mest áhrif á líf mitt af öllu því sem ég hef lært um lífsþjálfun. Verkfæri sem hefur breytt því hvernig mér líður varðandi sjálfa mig, heiminn og lífið. Þetta er hugsa-líða-gera hringrásin.

Hugsa-líða-gera hringrásin hjálpar þér að skilja núverandi hugsanir og gefa þér kraftinn til að skapa nýjar hugsanir, en það eru hugsanir sem geta valdið því að þú léttist eða sent þig á nammibarinn eftir erfiðan dag. Hugsa-líða-gera lýsir því hvernig heilinn á þér vinnur úr öllu því sem þú upplifir.

Þetta er frekar einfalt. Þú hugsar um eitthvað sem þú upplifir í veröldinni. Sú hugsun leiðir af sér tilfinningu innra með þér, líkt og hamingju eða kvíða. Og byggt á því hvernig þér líður ákveður þú hvern einasta dag hvað þú gerir eða gerir ekki sem er afleiðing þess hvernig þú hugsar og hvernig þér líður.

Það er Hugsa – Líða – Gera hringrásin og þú munt læra að nýta þér þetta hér með vinnunni og á lífsþjálfunarfundum. Og með þessu verkfæri muntu geta gert spennandi breytingar á lífi þínu- og þú verður óstöðvandi!

Allt hugsananiðurhalið þitt er alltaf blanda af staðreyndum og hugsunum. Þú veist að eitthvað er staðreynd þegar þú getur verið fullviss um að allir væru sammála um staðreyndina og í henni eru aldrei lýsingarorð. Allt annað er hugsun. Ef þú skrifar í hugsananiðurhalinu að gærdagurinn hafið verið rosalega erfiður af því þú hafir unnið í 14 tíma þá er staðreyndin sú að þú vannst í 14 tíma og hugsun þín er að dagurinn hafi verið rosalega erfiður.

Tröppuhugsun er að hækka þig upp um eina tröppu í senn með hugsanir þínar. Þannig sýnir þú sjálfri þér smá saman aukna sjálfsmildi og kærleika. Dæmi um þetta gæti verið þegar þú áttar þig á að þú hugsar gjarnan að þú sért ekki nógu góð. Þá gæti fyrsta trappan verið að þú hugsir að þú takir eftir því að þú hugsir þessa hugsun oft og það sé allt í lagi. Þetta er bara hugsun. Þá ertu búin að átta þig á að þetta er bara hugsun og henni er hægt að breyta. Meðvitundin er orðin virk og þá er að vinna í að breyta hugsuninni smá saman eða um eina tröppu í senn
1. Ég tek eftir því að ég hugsa þessa hugsun oft og það er í lagi. 2. Ég er tilbúin til að láta af þessari hugsun. 3. Ég get trúað því að þessi hugsun sé ekki sönn. O.s.frv.

Þá daga sem lífsþjálun er í boði er sendur út tölvupóstur (og póstur í Facebookgrúppuna) þar sem þér býðst að senda inn ósk um þjálfun. Í póstinum er hlekkur á netfangið sem þú átt að senda á. Taktu fram í póstinum hvað þú vilt fá þjálfun með.

Lífsþjálfun er orsakaþjálfun sem finnur útúr þeim hamlandi hugsunum sem halda aftur af þér. Þú lærir að ná þessum hugsunum uppá yfirborðið og láta af þeim eða setja nýjar inn í staðinn. Þegar þú lærir þessa tækni ferðu að sjá nýjar niðurstöður í lífinu og breytingar fara að koma í ljós. Ein hugsun í einu. Þú lærir líka að leyfa og upplifa tilfinningar þínar og hættir að forðast þær með því að borða yfir þær. Þetta ásamt svo mörgu öðru öðlast þú með tækjum og tólum lífsþjálfunar.

Þú lærir að leyfa löngun að vera til staðar án þess að svara henni með því að styngja einhverju upp í þig, þess í stað seturðu stein í langanakrukkuna. Í hvert skipti sem þú hefur leyft löngun að vera án þess að bregðast við henni setur þú stein í krukkuna. Þú gefur heilanum þínum sýnilega sönnun þess að þú getir upplifað löngun og þú sannar fyrir sjálfri þér að þú ráðir við langanir. Langanakrukkan er verðlaun fyrir heilann þinn og honum finnst það frábært!

Sæluát er þegar við borðum mat sem er alla jafna ekki inná planinu okkar. Það er þá gjarnan eitthvað sem inniheldur hveiti og sykur, sælgæti, kökusneið eða eitthvað þess háttar sem þú borðar alla jafna ekki.

Matarlöngun er eitthvað sem við búum til með heilanum og langanir okkar stjórnast af dópamíni. Við sækjum í hlýju, hvíld, kynlíf, mat og drykk. Allar þessar athafnir eru verðlaunaðar með dópamíni í heilanum. Til þess að vinna á þessu þarftu að læra að leyfa langanir þínar án þess að bregðast við þeim. Langanakrukkan úr lotu eitt, er mjög gott verfæri til að æfa þetta.

Ofhungur orsakast af hormónaójafnvægi, ákafri löngun í mat og fráhvörfum.

Líkaminn þinn veit nákvæmlega hversu mikinn mat hann þarf.

Þegar þú borðar náttúrulegan mat þekkir líkaminn næringuna og veit hvernig hann á að úthluta henni á rétta staði. Það heldur hormónunum í jafnvægi og merkin sem líkaminn gefur þér þegar hann er svangur eru skýr.

Við höfum skilyrt okkur að til að verða svangar þegar við erum það ekki, með því einu að sjá mat eða með ákveðnum hugrenningatengslum.

Við höfum komið okkur í svengdarástand með því að borða of oft og kenna líkamanum að brenna sykri í stað þess að vera fituaðlagaður og brenna eigin fituforða.

Við höfum þvingað líkamann í fráhvörf og ákafa matarlöngun með því að borða tilbúin matvæli sem líkaminn á erfitt með að ráða í og því fara hormónarnir og hungurkvarðinn okkar í rugl.

Markmiðið er að draga úr svengd svo þig hungri aðeins í það magn af mat sem líkaminn þinn þarfnast sem er töluvert minna en þú ert að setja á tankinn í dag.

Máltíð getur verið fullnægjandi án þess að þú verðir pakksödd.

Hungurkvarðinn: Með þessari aðferð lærirðu að borða minna magn.

Borðaðu þegar þú ert svöng, hættu þegar þú ert södd.

Hættu að borða áður en þú verður pakksödd, veittu því athygli þegar þú borðar.

Spurðu sjálfa þig hvort þú sért orðin södd,
Ef þú áttar þig á því að þú hefur verið að borða ómeðvitað þar til þú ert orðin pakksödd, þá veistu að þú þarft að fókusera á andlegu og tilfinningalegu ástæðurnar þar á bakvið.
Jafnvel þótt við séum ekki að telja kaloríur eða vigta matinn okkar, þá ertu í raun og veru að minnka hitaeiningamagnið til muna, með því að minnka skammta og sífellt nart.

Það er mjög góður fyrirlestur sem útskýrir Hungurkvarðann og það fylgja ítarleg verkefnaskjöl, sem er að finna fyrir neðan myndbandið hér á innri vefnum.

Verkefnaskjöl:
1) Hungurkvarðinn-Byrja að nota strax
2) Hungurkvarðinn-Minnismiði
3) Hungurkvarðinn 2 hluti -
Byrjar að nota strax og þú tekur sykur og hveiti úr mataræðinu.

Já svo sannarlega. Hér eru nokkur ráð og spurningar til að spyrja þig sjálfa þegar kemur að Hungurkvarðanum. En mundu að sýna sjálfri þér mildi.

Þetta getur hjálpað þér að ákvarða hvenær þú ert svöng og hvenær þú ert mett svo þú getir lést og liðið æðislega. Þú getur notað eitthvað af þessum vísbendingum eða bætt við þínum eigin. Notaðu þennan lista sem upphafspunkt.

Þú ert ekki ennþá orðin svöng ef þú hugsar og finnur fyrir þessu:

Þú „veltir fyrir þér“ hvort þú sért að verða svöng.

Ákveðinn matur hljómar vel núna.

Þig langar í eitthvað nasl en myndir ekki borða skál af spergilkáli.

Þú hefur áhyggjur af því að verða fljótlega svöng.

Merki um að þú sért svöng og tilbúinn til að borða:

Þér líður eins og maginn sé svolítið tómur.

Þú gætir verið komin með smá garnagaul.

Þú ert orðin svolítið annars hugar.

Þú ferð að hugsa „Ég er að verða svöng. Ég er hér um það bil tilbúin að borða. “

Þú ræður við svengdina. Hún er ekki knýjandi og setur þig ekki úr jafnvægi.

Merki um að þú hafir fengið nóg:

Þú ert ekki lengur með hugann við matinn. Hugurinn reikar.

Þú ert ekki södd, þú ert mett og líkamlega tilbúin að hætta að borða.

Maginn er ekki uppþembdur.

Þú gætir jafnvel andvarpað eða hallað þér aftur frá borðinu.

Þú byrjar að velta fyrir þér hvort þú ættir að fá þér einn, tvo bita í viðbót.

Merki um að þú hafir fengið meira en nóg.

Þú hugsar „ég hefði ekki átt að borða síðustu bitana.“

Þú ert uppþembd og líður svolítið óþægilega.

Þú þarft að hneppa frá buxunum eða skipta yfir í joggingbuxur sem gefa vel eftir.

Markmiðið er að leyfa líkamanum að fá aðgang að fituforðanum þegar þú ert svöng svo hann verði fituaðlagaður.

Þegar þú ert að létta þig ætti helsta uppspretta næringar fyrir líkamann að vera þín eigin líkamsfita.

Eftir því sem þú þjálfar líkamann betur í að brenna fitu sem eldsneyti, því grennri verðurðu.

Þú veist það þegar þú ert komin í það ástand að líkaminn er fituaðlagaður því þú munt geta sleppt því auðveldlega að borða í 12- 16 klukkustundir.

Líkaminn fituaðlagast ekki ef þú ert sífellt að borða.

Munkamáltíð snýst um að þú situr ein með sjálfri þér í algjörri ró. Ekki hlusta-horfa eða lesa.

Sestu niður og borðaðu máltíð ein þíns liðs og veittu öllum merkjum líkamans athygli. Þú gætir tekið eftir einhverju sem þú hefur aldrei tekið eftir áður.  

Einblíndu á hungurkvarðann þinn. Hlustaðu á eigin líkama.

Skoðaðu hvað gerist hjá þér þegar þú ástundar munkamáltíð-hvaða tilfinningar koma upp?

Vigtin og spegillinn eru verkfæri til að vinna í sambandi þínu við þig. Að horfa í spegil og að stíga á vigtina er leið til þess að vinna í sambandi sem þú átt við þig í dag. Vigtin er til staðar til að leiðbeina þér á þyngdartaps ferðalagi þínu, en ekki til láta þér líða illa-enda hefur vigtin ekki það vald yfir líðan þinni. Það eru alltaf hugsanir þínar um vigtina sem gera það.

Það eina sem vigtin gerir er að sýna þér tölu, ákveðna staðreynd. Vigtin getur aldrei látið þér líða á nokkurn hátt, það eru alltaf hugsanir þínar um töluna á vigtinni sem gera það. Þú þarft því að byrja á því að vinna með hugsanir þínar og það gerum við einmitt hér í LMLP.

Mundu að þyngdin þín ER EKKI eitthvað til að skammast sín fyrir. Þú ert fullkomin og verðug nákvæmlega eins og þú ert í dag.

Skrifaðu niður hvað þú borðaðir og síðast en ekki síst hvað þú hugsaðir þegar þú ákvaðst að borða utan plans. Skoðaðu hvað þú varst að hugsa svo þú getur nýtt það sem lærdóm og brugðist við á annan hátt næst. Dragðu lærdóm af því af og áfram gakk!

Gerðu hugsananiðurhal. Leyfðu öllu að flæða án þess að dæma það. Finndu svo muninn á hugsunum og staðreyndum til auka meðvitund þína um muninn á þessu tvennu. Útfrá því getur þú byrjað að nota það sem ég er að kenna þér hér varðandi hugsanastjórnun. Ef þú átt erfitt með að byrja að skrifa getur verið gott að spyrja sig spurningar og svara henni. Það gæti verið hvernig líður mér núna? Hvernig var gærdagurinn minn? Hverjar vour helstu tilfinningar mínar í gær? Hvað er ég að læra núna? O.s.frv.

Byrjaðu á að segja þér aðra sögu. Ég er að læra að skrifa í dagbók er strax miklu kröftugri setning en ég veit ekki hvað ég á að skrifa. Heilinn í þér sannar alltaf það sem þú hugsar og á meðan þú segir honum að þú vitir ekki hvað þú átt að skrifa eru litlar líkur á að þú finnir útúr því. Það er engin ein leið rétt en það er gott að spyrja sig spurninga til að byrja með:

Hvernig líður mér?
Fyrir hvað er ég þakklát?
Hvað var gott í dag?
Hvernig getur morgundagurinn verið enn betri en í dag? Hvernig var dagurinn minn í dag?
Hvernig leið mér?
Hvað var ég að hugsa sem bjó til tilfinningu mína?
Hvað hefði ég getað hugsað annað?
Hver vil ég vera í dag?
Hvað þarf ég að hugsa til að vera mín besta útgáfa í dag?

Þetta eru tillögur og svo snýst þetta bara um að byrja og svo kemur þetta smám saman.

Sjálfsöryggi er tilfinning, sem skapast út frá hugsunum þínum um þig.

Skilgreiningin á sjálfsöryggi i er svohljóðandi:
Að vera örugg með sjálfa þig og hæfileika þína.

Hugsanir sem byggja upp sjálfsöryggi eru:
Ég stend með sjálfri mér. Ég var gerð fyrir þetta. Ég ræð við þetta. Ég er ekki hrædd við óttann, ótti er ekkert mál. Það versta sem getur gerst er tilfinning.

Ég passa upp á sjálfa mig og leyfðu mér að spreyta mig.

Því út frá öllum þessum hugsunum grípurðu til aðgerða sem byggja upp sjálfsöryggi.

Hugsanir sem strípa þig af sjálfsöryggi eru hugsanir eins og:
Ég er ekki nógu klár. Ég er ekki nógu grönn. Ég er ekki nógu góð. Ég kann þetta ekki. Útlit mitt, fjárhagur, uppeldi eða greind ákvarðar sjálfstraust mitt.

Ég er fórnarlamb og brotin.

Út frá hugsunum sem þessum grípurðu ekki til aðgerða sem byggja upp sjálfsöryggi-þvert á móti.

Ef þú vilt byggja upp sjálfsöryggi þarftu að einblína á að byggja upp jákvætt og traust samtal við þig sjálfa. Veittu því gaum hvað þú hugsar um þig. Hvernig talarðu við þig? Byggir það samtal upp sjálfsöryggi eða eyðir það sjálfsöryggi  og brýtur þig niður?

Fyrst og fremst þarftu að átta þig á hvernig þú skilgreinir neistann þinn. Ég ímynda mér að það sé tilfinningar sem þú sækist eftir. Tilfinningar koma frá hugsunum þínum og þú getur framkallað tilfinningar með því að hugsa meðvitað og vísvitandi hugsanir sem búa til þær tilfinningar sem þú ert á eftir. Taktu til dæmis eftir tilfinningunni sem þú upplifir þegar þú hugsar að þú sért búin að missa neistann. Og prófaðu svo að hugsa að þú trúir að þú eigir eftir að finna neistann þinn með vinnunni sem þú vinnur með mér í prógramminu. Ég giska á að það framkalli tilfinningu eins og von eða bjartsýni. Leiktu þér með þetta og mundu að neistinn kemumr innan frá. Hann er ekki að finna í einhverju sem þú gerir eða einhverju utanaðkomandi.

Byrjaðu að afhjúpa þær hugsanir sem búa til vantrú, sjáðu sjálfa þig fyrir þér í framtíðinni þegar þú ert að hafa trú á þér. Hvað er hún að hugsa? Byrjaðu að æfa þig í að hugsa þessar hugsanir á meðan þú lætur af þeim gömlu. Settu inn daglegar athafnir sem ýta undir nýja trú á þér og æfðu á hverjum degi. Æfðu nýja hugsun og gerðu eitthvað sem styður nýju hugsunina. Aftur og aftur þangað til að þú ert orðin kona sem hefur trú á þér. Finndu líka eitthvað dæmi úr lífinu þínu þar sem þú hefur trú á þér. Hvað ertu að hugsa um þig þar og af hverju. Byrjaðu svo að hugsa þessar sömu hugsanir um þig þar sem þú finnur fyrir vantrú.

Eins langan tíma og þú vilt gefa þér. Þetta fer allt eftir því hversu mikið þú vilt skuldbinda þig og hvað þú vilt gera mikið. Aðalmálið er að trúa því að þú getir náð þessum 10 kílóum af þér og sjá framtíðarsjálfið fyrir þér sem hefur náð því. Svo ákveður þú hvað þú ætlar að gera til að ná þessu markmiði og byrjar ferlið. Tíminn er undir þér kominn en ég hvet þig til að ákveða að hafa gaman á leiðinni að markmiðinu af því að það er enginn hamingjusamur endir á óhamingjusamri vegferð. 

Búðu þig undir það. Lífið gerist alltaf og við vitum innst inni alveg hvaða óvæntu uppákomur geta verið að koma upp. Krafturinn í lífsþjálfun er að við gerum alltaf ráð fyrir hindrunum. Búðu þér til lista af hugsunum sem þú grípur í í hvert skipti sem hindrum kemur upp. Þetta kemur allt með æfingunni.

Þetta er partur af lífinu og það er enginn sem er alltaf peppaður. Lífið hefur alltaf sínar andstæður en aðalmálið er að vita að þegar dagur kemur þar sem þú upplifir að þú missir dampinn að láta það ekki þýða of mikið. Ekki fara að segja þér að þetta sé allt ómögulegt. Þannig gefumst við alltaf upp. Talaðu fallega til þín með sjálfsmildi og segðu þér að þetta er bara einn af þessum dögum. Vertu forvitin um hvað er að láta þig upplifa að þú sért að missa dampinn. Minntu þig á hvað er að ganga vel. Leiðbeindu heilainum í jákvæða átt. Og haltu áfram. Lærðu af þessum degi eða dögum og haltu áfram.

Planaðu seinnipartana þína. Við þurfum alltaf að gefa framheilanum leiðbeiningar um hvert hann er að fara. Annars nær frumheilinn yfirhöndinni og fer með okkur í kunnuglegt ástand. Þú getur líka notað langanakrukkuna og lært að leyfa langanir á sama tíma og þú ákveður hvernig fullkominn seinnipartur myndi líta út hjá framtíðarsjálfinu þínu sem er ekki að borða. Byrjaðu svo að setja inn nýjar daglegar athafnir seinnipartinn.

Það er ástæða fyrir því að svefn er ein af grunnreglunum 4. Þú ræður mikið betur við það að léttast, og já bara lífið yfir höfuð, ef þú kemur þér á skikkanlegum tíma upp í rúm.  

Gerðu eftirfarandi. Stilltu vekjaraklukku eða úrið 30 mínútum áður en þú vilt fara að sofa. Stilltu aðra áminningu 15 mínútum síðar. Þegar 30 mínútna viðvörunin fer af stað skaltu byrja á „þessu eina í viðbót.“ Njóttu þess virkilega að vera í „ró og næði.“ 

Þegar 15 mínútna viðvörunin fer af stað veistu að það er kominn tími til að hátta þig. 

Þetta auðvelda ráð gefur þér tækifæri til að hægja á þér, átta þig á því hvað klukkan er og minna þig á hversu mikilvægur háttatíminn er í raun.

 

Venjulega virkar ónæmiskerfið m.a. með því að veikja og drepa t.d. bakteríur og aðrar örverur, eða bregst við einhverju utanaðkomandi sem er „ekki ég” (líkaminn). 

Sjálfsofnæmi gerist þegar ónæmiskerfið verður of næmt, einhverra hluta vegna, og ræðst á eigin vef í líkamanun, t.d. á liðina eða skjaldkirtilinn og veldur bólgum. Við sjálfsofnæmi er eins og ónæmiskerfið ruglist og í staðinn fyrir að ráðast á t.d. vírus er ráðist á liðina. Þessi „mistök” eru kölluð sjálfsofnæmi. Það eru um 20 svokallaðir „sjálfsofnæmissjúkdómar” þar á meðal liðagigt, Hashimoto og Morbus Chron.

Þetta er ekki skorið í stein, og skiptar skoðanir hvort glúten sé bólguvaldur. Mín reynsla er að svo sé fyrir marga. Glúten er prótín í nokkrum gerðum af korni þar á meðal í hveiti, spelti og rúgi. Þeir sem eru með ofnæmi eða óþol fyrir þessu prótíni bregðast við með mismunandi meira eða minna slæmum einkennum t.d. vanlíðan í maga og þörmum, loft myndun, verkjum og bólgum í liðum, heilaþoku og depurð og kvíða. Besta ráðið til að ganga í skugga um hvort glúten sé vandamál er að útiloka alt sem inniheldur glúten í 3-4 vikur og athuga hvað gerist þegar það kemur inn aftur. - Þorbjörg Hafsteinsdóttir.

Lélegur og eða of stuttur svefn kveikir í streituviðbrögðum í taugakerfinu og streituhormónið kortisól verður of hátt í blóði. Ef það er viðvarandi hátt espir það upp m.a. verkina og bólgur. Taugakerfið hefur áhrif á ónæmiskerfið og ofnæmisviðbrögð og þess vegna eru streita og svefnvandamál afleiðingar fyrir verki og bólgur. Þetta getur myndað vítahring þegar verkir trufla svefninn. 

Fyrst og fremst mæli ég með að vinna á öllu því sem taugakerfið bregst við; líta á lífsaðstæður, það sem veldur áhyggjum og á mataræðið. Sykur og einföld kolvetni geta líka verið streituvaldar. Í öðru lagi gera svefnrútínu; fara að sofa á sama tíma og vakna á sama tíma, líka eftir vökunætur, að þjálfa líkaman í þetta mynstur. Ekki hafa skjá eða síma í svefnherberginu. Sumum finnst hjálpa að fara í heitt bað fyrir svefn, aðrir að hlusta á rólega tónlist eða hugleiðslu. Það getur líka verið gagnlegt að taka inn markviss bætiefni fyrir svefninn. Magnesium Breakthrough, oft kölluð Magnesium byltingin, Melissa Dream með eða án Melatonin frá New Nordic, L-Theanine og Melatonin.

Fyrst og fremst og efst á listanum er alltaf omega-3 fiskiolía og ég mæli með Pure Arctic oil sem er gæða olía í fljótandi formi og með margar vísindalegar rannsóknir á bak við sig. Hún dregur úr og minnkar bólgur og dregur úr verkjum í liðum, festum og vöðvum. Þú getur pantað Pure Arctic Oil hérna. Hér er hlekkur til að panta hana https://eqology.com/pAbjcs

Nutrilenk gel til að smyrja liðina eða aumt svæði með. Inniheldur chondroitin og hitagefandi eucalyptus- og engifer olíu. Fæst víða. 

Kollagen á að innihalda týpurnar  I, II og III og lV ef þú vilt fá breiðvirk áhrif á brjósk, bandvef, bein, húð og liði. Marine Collagen frá Eqology er gæða kollagen duft, unnið úr þorskroði og inniheldur allar fjórar týpur. Þú getur pantað Marine Collagen hérna https://eqology.com/pAbjcs

Probi Original (Lactobacillus Plantarum) dregur úr framleiðslu á bólguvísum þ.á.m. TNF-a og IL-4. Fæst víða.

Eftirfarandi drykkir, til dæmis, hafa allir, að einhverju leyti, bólgur stemmandi áhrif. 

Engifer- og túrmerik skot. 

Túrmerik latti.

Grænt te.

Apple Cider vinegar ( epla sæder edik); 1 msk í vatnsglas t.d. á morgana. 

Krana vatn: 2L á dag

Heilinn er að mestu leyti hannaður úr fitu. Hann fær eldsneytið sitt venjulega úr glúkósa frá kolvetnum en hann getur auðveldlega unnið á ketónum frá fitu. Heilinn getur ekki, alveg eins og líkaminn, verið án fitu. Góð fita fyrir heilann er t.d. dýrafita, smjör, omega- 3 olía úr fiski og fiskiolíu. Heilinn getur heldur ekki verið án byggingasteina og þarf amínósýrur til að búa til hormóna og boðefni.  Amínósýrur fáum við úr kjöti, fisk, ostum, eggjum,  baunum, hnetum og möndlum.

Smelltu hér til að panta hágæða omega-3 olíu sem við mælum með: https://eqology.com/pAbjcs

Það geta verið margvíslegum ástæður fyrir því, ein af þeim er mataræðið. Sykur og sterkja eru bólgumyndandi og ofneysla getur skert insúlínviðnám í heilafrumum og myndað bólgur. Krónískar bólgur geta framkallað vandamál varðandi minni og einbeitingu, elliglöp og talið er, að sjúkdómurinn Alzheimers tengist insúlínónæmi í heilanum og því oft kallaður týpa - 3 sykursýki.

Með því að fá blóðrásina vel af stað og hreyfa sig og stunda líkamsrækt. Anda djúpt, þ.e.a.s alveg niður í kvið og ekki grunna öndun. Með blóði til heilans kemur ekki bara súrefni heldur líka mikilvæg næringarefni.

Það er sérstaklega DHA fitusýran úr fisk og fiskiolíu sem virkar á heilann og á sjónina. Hún hefur bólgustemmandi áhrif og skerpir minnið og aðra hugræna virkni. Hún virkar einnig róandi við álagi og streitu. Það er „samkeppni” á milli bólgumyndandi omega - 6 og bólgustemmandi omega-3 fitusýra. Það þurfa að vera ákveðin hlutföll á milli þeirra og best ef hlutfallið er 1:1.

Margir, sem borða oft unninn mat sem inniheldur omega-6 fræolíur, borða ekki nægilega mikið af fisk og taka ekki inn fiskiolíu daglega, eru með skakkt hlutfall með omega - 6 í vil sem bendir til bólgumyndunar bæði í heila og líkama.

Smelltu hér til að panta hágæða omega-3 olíu sem við mælum með: https://eqology.com/pAbjcs

Fyrst og fremst að finna það sem veldur því og finna lausn við að leysa það. Ef þú þarft hjálp, fáðu fagaðstoð. Borðaðu nægilega mikið af prótíni og amínósýrum til að byggja aðallega serótónin og öll hin boðefnin, sem búa til gleði og umframorku. Borðaðu góða fitu, hugleiddu, farðu í heita pottinn, talaðu við góða vini. Og nýttu þér lífsþjálfun hér í LMLP prógramminu.

Sykur virkar sem næring fyrir óæskilegar þarmabakteríur og sveppi, t.d. candida albicans. Gerjun myndast og þar af leiðandi loft í kviðarholi og uppþemba. Sykur og viðbættur sykur er í svo ótal mörgum og margvíslegum vörum og ber að forðast alveg ef þú ert með meltingavandamál.

Einfaldlega til að halda hægðum mjúkum og fyrirbyggja harðlífi. Í þörmum er frásog af vökva sem líkaminn tekur þaðan, ef hann er í skorti. Ef hann fær ekki nægilega mikið af vatni, er hætta á að hægðir þorni upp og erfitt verður að losa þær og koma þeim frá sér.

Það eru misjafnar skoðanir á því. Trefjar geta vissulega skilað sínu gagni t.d. gróft grænmeti og í t.d. rótargrænmeti þar á meðal í gulrætum og sætum kartöflum, eru vatnsuppleysanlegur trefar. Trefjar sem bætiefni geta virkað gagnstætt markmiðinu og stoppað algörlega losun, því þær binda svo mikinn vökva. Það verður að drekka mun meira af vatni með trefja bætiefnum.

Microbium eða microbiota eru náttúrulegar bakteríur sem eiga heima víðs vegar í og á kroppnum. Á húðinni, í slímhúð og í meltingarvegi. Þær gegna mikilvægu hlutverki fyrir heilsuna okkar og „tala við” taugakerfi, ónæmiskerfi og heilann og þessi samskipti skila sér í alls konar forvörnum, orku og meira að segja þyngdarstjórn. Til dæmis brjóta sérstakar þarmabakteríur niður trefja í ristli og búa til efnið butyrate (stuttar fitusýru keðjur) sem gegna mikilvægu hlutverki fyrir þarmaheilsu og virkar á ónæmiskerfi, kólesteról og minnkar bólgur.

Það getur verið gagnlegt og gott að fasta í einn dag öðru hverju og þannig gefa meltingunni alveg frí og mikrobiota smá tíma til að eflast og dafnast. Drekka nóg af vatni, jurta te, drekka vökvann af mjólkursýrðu grænmeti, miso súpu og taka inn gæða góðgerla.

Ef þú notar vöðvana, er lítil hætta á að vöðvamassinn rýrni. Ef þú ert á 16:8 föstu (tímatakmarkað mataræði) getur þú hæglega farið í ræktina á morgnana án þess að borða áður, og þannig nýtt þér ketósuna sem líkaminn er í eftir nóttina. Þá ertu að nota ketóna sem orkugjafa og brennur meira og hefur aukið úthald. Eftir æfingu skaltu borða prótín eða fá þér prótínduft / hristing.

Já, ef þú ert þreytt, slöpp og með svima. Ef þú stundar 16:8 föstu, skiptir máli hvað þú borðar þegar þú borðar. Ef aðaláherslan í mataræðinu eru kolvetni; brauð og brauðmeti og viðbættur sykur, svarar líkaminn með ofannefndum einkennum. En…það geta líka verið viðbrögð við vökva- og saltskorti. Þannig að tvennt verður að hafa í huga: vera í jafnvægi í blóðsykrinum og borða holl prótín og góða fitu í hverri máltíð og taka inn sölt (electrolytes).

Það fer svolítið eftir, hversu lengi fastan varir. En það er aldrei góð hugmynd að borða bara t.d. brauð eða drekka ávaxtadjús eða -boost. Þá fer blóðsykurinn á flug. Ef fastan er stutt eins og 16:8, þá er nóg að borða góðan hádegismat samsettan úr öllum þremur næringarhópum (prótín, holl fita og trefjaríkt grænmeti). Ef fastan er lengri og kannski þrjá daga, er mikilvægt að borða létt fyrstu dagana; t.d.soðinn fisk, góðar súpur, soðin grjón og holla fitu.

Bætiefni eftir föstu getur verið gagnlegt og sérstaklega að taka inn probiotik eða góðgerla og fljótandi omega-3 fiskiolíu sem heldur áfram að vinna í að minnka bólgur,sem fastan byrjaði á.

Að stunda 16:8 föstu er alveg örugg og heilsusamleg leið fyrir allar konur á hvaða aldri sem er. Útkoman er svo góð fyrir orkuna, einbeitinguna og fitubrennsluna, til að nefna það helsta.

Undantekning eru ófrískar konur, konur með barn á brjósti og konur sem eru með langvarandi sjúkdóm, en þær ættu ekki að vera á föstu nema undir handleiðslu sérfræðings. Aldraðar konur, ættu ekki að vera að fasta, þær hafa not fyrir meira prótin en yngri konur og að fá allar sínar góðu þrjár til fjórar máltíðir á dag. En það fer nú samt eftir því hvernig við eldumst og hvað við borðum og hversu mikið magn af mat við borðum, þegar við borðum.

Já, það eru rannsóknir sem tengja föstu og meltingar hollustu. Það gagnast mikrobiota og þarmaflóru þegar hún fær frí frá mat stöku sinnum og sérstaklega frá sykri og brauðmeti. Það á líka við óæskilegar bakteríur og t.d. sveppi í þörmum, en þeir þrífast og nærast á sykri. Það er mikilvægt að næra flóruna á t.d. mjólkursýrðu grænmeti og gæða góðgerlum og næra slímhúðina og bólgustemma í öllum meltingarkerfinu með t.d. gæða omega- 3 fiskiolíu.

Kynhvöt kvenna getur verið mjög breytileg vegna hormónabreytinga, eins og þeirra sem eiga sér stað á tíðahringnum, meðgöngu, brjóstagjöf og tíðahvörfum. Estrógen og testósterón gegna mikilvægu hlutverki í stjórnun kynhvatar. Lág gildi þessara hormóna, eins og gerist stundum á tíðahvörfum, geta minnkað kynhvötina, á meðan hærri gildi, eins og við egglos, geta aukið hana.

Leggangaþrengsli er ástand þar sem vöðvarnir í leggöngunum herpast ósjálfrátt saman við samfarir, sem getur gert kynlíf sársaukafullt eða ómögulegt. Þetta getur haft neikvæð áhrif á kynlíf, bæði líkamlega og andlega. Meðferðir fela í sér sjúkraþjálfun, ráðgjöf og notkun þenjara til að hjálpa til við að slaka á vöðvunum.

Kynsjúkdómar geta haft alvarlegar afleiðingar fyrir heilsu kvenna, sérstaklega ef þeir eru ekki meðhöndlaðir. Kynsjúkdómar eins og klamydía og lekandi geta leitt til grindarholssýkingar, sem getur valdið langvarandi verkjum og ófrjósemi. Sumir kynsjúkdómar, eins og HPV, geta einnig aukið hættuna á leghálskrabbameini. Það er mikilvægt að fara reglulega í skoðun og nota verjur við kynlíf til að draga úr áhættunni.

Já, reglulegt kynlíf getur haft nokkra heilsufarslega kosti fyrir konur. Það getur bætt skap með því að losa endorfín og oxýtósín, minnkað streitustig, styrkt ónæmiskerfið og jafnvel bætt svefngæði. Að auki getur kynlíf einnig hjálpað til við að styrkja grindarbotnsvöðva.

Andleg heilsa hefur mikil áhrif á kynferðislega vellíðan kvenna. Streita, kvíði, þunglyndi og lágt sjálfsálit geta minnkað kynhvötina og gert það erfitt að njóta kynlífs. Að vinna með sálfræðingi eða ráðgjafa getur hjálpað til við að takast á við þessi andlegu heilsufarsvandamál og bætt kynferðislega vellíðan.

Í LMLP leggjum við áherslu á að borða úr 3 fæðuflokkum. Þeir eru: Grænmeti. Fita. Prótín.

Ég vil benda þér á að taka sjálf ábyrgð á því hvað þú átt að borða-í stað þess að fá mig til að segja þér hvað þú átt að borða. Þú þarft sjálf að taka ábyrgð og læra á eigin kropp. Ég veit ekki betur en þú hvað virkar fyrir þinn líkama. Þú ert sérfræðingurinn þar.

Mundu bara; ekkert sykur né hveiti, mikið grænmeti, prótín og fita.
Prótín er margskonar, veldu hvað hentar þér best: Kjöt, fiskur, eða prótín úr plönturíkinu eins og baunir, tófu, vegankjöt o.fl.

Flóknara er þetta ekki. Þeim mun betur sem þú hlúir að sjálfri þér og undirbýrð þig vel og hefur aðgang þinn greiðan að þessum fæðuflokkum með því að hafa þá tilbúna heima, þeim mun betra fyrir þig.

Borðaðu bara það sem er á Planinu þínu, engar undantekningar. Það sem skráð er á Planið er það sem þú borðar. Stattu við það.

Ef þú ert ekki viss um hvað þú átt að fá þér, þá er þetta góð mantra sem hjálpar þér að velja:

Ef það er framleitt af móður jörð, borðaðu það.

Ef það er framleitt í verksmiðju, forðastu það.

Að telja kaloríur, vigta matinn þinn og þess háttar er ekki aðferð sem þú lærir í LMLP. Að okkar mati er það úreld aðferð, tengd megrunarkúrahugsunarhætti! Ef þessi aðferð hefði virkað, þá værir þú klárlega ekki komin í þetta prógramm-ekki satt?

Þú þarft ekki að telja fleiri hitaeiningar, fara eftir flóknum forritum eða neita þér um uppáhaldsmatinn þinn. Grunnreglurnar 4 eru einfaldar og fylgja þér hvert sem þú ferð. Meira að segja í fríið.

Sykur hefur áhrif á insúlín og ruglar hungurkvarðann okkar þannig að þegar við neytum hans þá erum við sífellt svangar. Þegar við borðum sykruð matvæli verðum við ekki mettar. Ef við innbyrðum eitthvað sem er stútfullt af sykri, segjum 500 hitaeiningar af gosi, þá líður okkur ekki eins og við séum saddar og í raun þá tekur blóðsykurinn dýfu sem gerir það að verkum að þú verður enn svengri síðar um daginn þrátt fyrir að hafa þegar innbyrt 500 kaloríur. Hveiti hefur áhrif á hormónin okkar. Það er rökrétt því ef við skoðum það hvernig hveiti er unnið, malað niður og þjappað saman í duft, þá hefur líkaminn ekki þróast til að vinna það á þann hátt að það hafi ekki áhrif á hormónin okkar. 

Þú getur borðað hrísgrjón, það eru til alls kyns pasta sem eru ekki gerð úr hveiti, hirsi og Kínóa er góður kostur. Svo náttúrulega mest af grænmeti.

Avókadó, kókosolía, ólífuolía, hörfræolía, smjör og rjómi eru allt góðar og hollar fitur.

Já, það er í fínu lagi.

Já það er prótín og ég mæli með að þú hafir prótín í báðum máltíðunum þínum. Prótín, fita og grænmeti eru flokkarnir þrír sem við leggjum áherslu á.

Fasta með hléum skapar andlegan aga til að standast ákafa löngun. Gefur líkama þínum hlé frá insúlíni. Leyfir þér að upplifa og endurstilla svengdina. Kennir líkama þínum að fituaðlagast (e. fat adaption) og að reiða sig á að fá orku úr eigin fituforða. Eykur insúlínnæmi. Hægir ekki á brennslu. Örvar viðhald og endurnýjun fruma.Allir fasta á meðan þeir sofa og með því að lengja þann tíma gefst meira tækifæri til fitubrennslu. Þú upplifir hvorki svengd né skort þegar þú hefur fituaðlagast. 

Þeir sem eru vannærðir eða í undirvigt. Þeir sem eiga við átröskun að stríða. Allir undir 18 ára aldri. Ófrískar konur og konur með barn á brjósti.
Þær sem eru á lyfjum, eru með sykursýki 1 eða 2, með þvagsýrugigt eða vélindabakflæði ættu að leita ráða hjá lækni sínum áður en ákveðið er að fasta. Það er ekki skylda að fasta til að taka þátt í þessu Prógrammi. Þetta er bara ein leið sem ég mæli með fyrir þær sem það hentar því þetta er góð og heilbrigð leið til að gefa líkamanum hlé frá insúlíni og kenna honum að fá orku úr eigin fituforða. En hver og ein ykkar ákveður hvort fasta hentar henni eður ei. Það þarf ekki endilega að vera svo, þótt hún henti mér afskaplega vel. Ég hef stundað föstu með hléum sl. fjögur ár eða svo.
Hlustið á eigin líkama og takið skynsamlega ákvörðun fyrir ykkur sjálfar.

Drekka má svart kaffi, vatn, te (grænt og svart) og aðra hitaeiningalausa drykki meðan á föstu stendur og sérstaklega er mælt með kaffi því það getur dregið úr svengd. Að bæta kókosolíu út í morgunbollann getur hjálpað til við þyngdarstjórnun og komið í veg fyrir mikla svengd þar sem fitan breytist í ketón og gefur líkamanum skyndiorku.

Það sem þú getur sett út í vatnið þitt:

Límóna, sítróna. Sneiðar af öðrum ávöxtum en alls ekki borða ávöxtinn né ávaxtasafa. Himalaya salt. Chiafræ og mulin hörfræ, (1 matskeið í 1 bolla af vatni).

Drykkir sem brjóta föstu:

Mjólk
Kaffi með mjólk
Safar
Seyði
PrótíndrykkirÖlkelduvatn/sódavatn eða heilsudrykkir með bragðefnum, gervisykri.

Kókosolíu. MCT olí (Miðlungslangkeðja þríglýseríðolía). Smjör. Smjörolía eða ghee. Rjómi (35% fita). Malaður kanill, til að bragðbæta.

Forðastu: Mjólk og mjólkurvörur í duftformi og náttúruleg eða tilbúin sætuefni af hvaða tagi sem er.

Millibitar eru allt sem þú borðar á milli máltíða. Ef þú ætlar að fasta með hléum þá sleppir þú millibitum, en þú ákveður það sjálf. Insúlín fer upp í hvert skipti sem þú borðar og við viljum minnka það til að líkaminn nýti sinn eigin fituforða sem orku. Þannig grennist þú. Ef þú ert síborðandi gerirðu líkamanum erfiðara fyrir að grennast.

1% reglan er algjör snilld! Skildu 2-3 bita eftir þegar þú borðar. Þú getur gert þetta eins oft og þú vilt en ég vil að þú ákveðir núna hvenær þú gerir það.

Kannski ákveðurðu að gera þetta bara í kvöldmatnum. Kannski í hádegismatnum og kvöldmatnum. Það gæti verið í hvert skipti sem þú borðar. Með þessu sérðu að þú þarft ekki alltaf að sleikja diskinn þinn hreinan og að það gerist ekki neitt þó þú klárir ekki matinn.

Við erum svo vanar að klára af disknum án þess að velta því fyrir okkur. Það er bara eitthvað sem við gerum alltaf. Núna ætlum við að verða forvitnar um það hvað gerist. Þér gæti fundist þetta undarlegt eða erfitt og það er allt í lagi. Fylgstu bara með hugsununum sem poppa upp og ræddu þetta við sjálfa þig. Segðu sjálfri þér að þetta verði allt í lagi. „Ef ég verð svöng á eftir fæ ég mér bara eitthvað að borða.“ Sannfærðu sjálfa þig um að það sé allt í lagi að skilja bita eftir. Það er í raun frábær leið til að æfa hæfni sem leiðir til þess að þú léttist.

Það eru til margar auðveldar, ódýrar og einfaldar leiðir til að fylla á steinefnin án þess að þurfa að kaupa sér íþróttadrykki:

Bleikt Himalay-salt.
Bættu 1 tsk af salti í út í vatnsglasið því það er svo steinefnaríkt.

SeyðiÞú getur leyst upp 1-3 teninga af grænmetis- eða kjúklingabeinakrafti út í bolla af vatni. Svo geturðu bætt við steinefnaríkum fæðutegundum eins og sveppum eða spínati sem eru rík af kalíum og magnesíum.

 

Hér eru þrjú bætiefni sem ég tek að staðaldri: 

C-Vítamín
C-vítamin er eitt mest notaða náttúrumeðal gegn kvefi og flensu. Það er þekkt andoxunarefni og talið ónæmiseflandiog styrkja varnir líkamans. Margir hafa tröllatrú á að C víamín dragi úr líkum á kvefi - Dregur úr einkennum - styttir kveftímann. Læknar skyrbjúg. Hjálpar við upptöku járns.

D-Vítamín
Mikilvægt að taka inn d-vítamín sér í lagi yfir dimmasta tíma ársins en D-vítamín styrkir ónæmiskerfið.
Stuðlar að vexti og viðhaldi beina. D-vítamín gerir líkamanum kleift að nýta kalk og fosfór til að byggja upp bein með því að auka upptöku kalks og fosfórs frá þörmum. D-vítamín er fituleysanlegt vítamín. 

Líkaminn framleiðir nefnilega ekki D-vítamín nema fyrir örvun frá sólarljósinu og þegar sólar nýtur nánast ekki við, er nauðsynlegt að bæta sér upp skortinn með því að taka inn bætiefni.

C og D vítamín (D3) í liposomal formi virkar hraðar og betur og er miklu auðveldara fyrir líkamann að nýta en hefðbundin C og D vítamín bætiefni. Þessi aðferð hjálpar þér að fá það magn af vítamíni sem líkaminn þarf.

Þessi einstaka tækni sér ekki aðeins til að þess að vítamínið nýtist þér sem best heldur kemur einnig í veg fyrir að stærri skammtar af c og d geti valdið meltingartruflunum.

Góðgerlar Probiotics 
Hjálpa til við upptöku á ýmsum bætiefnum og næringu, örva hreyfingu í meltingarveginum og bæta því meltingarferlið. Góðgerlar losa meltingarveginn ennfremur við ýmiskonarúrgang og koma jafnvægi á þarmaflórunni, en hún gæti hafa raskast við inntöku á sýklalyfjum, of mikilli sykurneyslu, óheilbrigðu mataræði, langtíma álagi og stressi.

Hér eru nokkrar uppástungur til að bæta henni við uppáhalds matinn þinn fyrir skemmtilega matargerð:

• Að léttsteikja grænmeti upp úr lífrænni kókosolíu bragðbætir á dásmlegan hátt.

• Hvenær sem þú steikir, hrærir eða létt steikir grænmeti, egg, alifugla, fisk eða hvað sem er, notaðu lífræna kókosolíu til að fá einstaklega létt bragð.
• Helltu lífrænni kókosolíu í þeytinga.
• Notaðu það á salötin þín fyrir suðræna upplifun.
• Prufaðu það á poppkorn í staðin fyrir smjör.
• Bættu kókosolíu við matinn hjá hundinum þínum fyrir ríka uppsprettu af MCT.

Kollagen er helsta byggingarprótein líkamans, það styrkir bein, vöðva, húð, liði, sinar og innri líffæri og er góð fæðubót. Kollagen er mikilvæg fyrir húðina okkar. Það bindur raka og sér til þess að húðin viðhaldi frískleika sínum og teygjanleika sem lengst. Þetta þykir vera bjútífæða.

Neysla kollagens getur haft afar jákvæð áhrif á heilsu okkar, til að mynda bættri meltingu, minni liðverki og betri húð. Eftir 25 ára aldurinn minnkar náttúruleg framleiðsla líkamans á kollageni um rúmlega 1% á ári og þá fara hrukk­ur mynd­ast og teygj­an­leiki húðar minnk­ar.

.Með því að taka inn kollagen í formi fæðubótaefnis, örvum við aðra framleiðslu líkamans á próteini sem hjálpar til við að viðhalda uppbyggingu vefja líkamans.

Rannsóknir hafa sýnt fram á að kollagen hægir á öldrun húðar, kemur í veg fyrir hrukkumyndum, þykir gott fyrir hár, húð og neglur. Og þykir hafa jákvæð áhrif á svefn. Það er einnig gott fyrir bein og þarma.

Besta virknin er að taka hreint kollagen í duftformi.
Mælt er með um 5 grömmum á dag og allt upp í 20 grömm.

Mjög fínt að setja það í prótein bústið en passa þarf að próteinduftið innihaldi ekki sykur ef markmiðið er að sleppa sykri.

Ertuprótín:  (baunir)

Þetta gæðaprótín er unnið úr ertum og er því hrein veganafurð og lítt ofnæmisvaldandi. Ertuprótín er því kjörið fyrir grænkera og ofnæmispésa. Duftið er alla jafna auðmeltanlegt og þar af leiðandi góður kostur í detox -hreinsun.

Brún hrísgrjónaprótín: Þetta prótín er unnið úr heilkorna hrísgrjónum. Líkaminn á almennt auðvelt með upptöku þess og hrísgrjónaprótín er vegan.

Hampprótín: hampprótín er unnið úr möluðum hampfræjum. Þó að það sé ekki eins prótínríkt og sumar aðrar vörur er það frábær kostur fyrir hreinstefnufólk þar sem það er alla jafna það prótínduft sem er minnst unnið. Að auki er það ríkt af trefjum og hollri fitu.

Vegan prótínblöndur: það eru mörg vegan prótínduftmerki á markaðnum núna og mörg þeirra innihalda blöndu af öllum ofangreindum prótínum: ertu- hrísgrjóna- og hampprótín. Sum innihalda einnig viðbætt vítamín, steinefni, trefjar og grænmetisduft. Lestu vandlega á merkimiðana og vertu vakandi fyrir blöndum með miklum viðbættum sykri eða frúktósa. Þú þarft ekki á slíku að halda í góðan og ávaxtaríkan þeyting!

Mysuprótín: Mysuprótín er prótín sem kemur úr mjólk. Það er sérlega gagnlegt þeim sem þurfa að byggja upp vöðva eða eru að jafna sig eftir meiðsli. Mysuprótín hefur hárréttan þéttleika sem þarf til að veita vöðvamassa fólks stuðning og býr yfir fjölbreyttri flóru amínósýra sem líkaminn getur notað til að lækna sig sjálfur. Veldu frekar einangrað mysuprótín (whey isolate) sem er hreinast, dýrast og auðveldast í upptöku. Ef mysuprótínið kemur frá grasfóðruðum kúm þá er það enn betra. Þó svo að þú sért með mjólkuróþol ættirðu að geta melt mysuprótín, prófaðu allavega og sjáðu hvernig það fer í þig.

Hnetur og fræ: Hnetur og fræ eru líka frábær náttúruleg uppspretta prótíns! Með skvettu af möndlumjólk, skeið af hnetusmjöri eða  handfylli af uppáhalds hnetunum þínum er komin góð viðbót af prótíni í þeytingana þína

Örfundur: aukin þjónusta þér að kostnaðarlausu. 

Ertu að upplifa þig vera í vandræðum með tæknina, að komast inn á heimasvæðið eða ertu í einhverri lægð og finnst efnið vera yfirþyrmandi?

Zoom er ókeypis forrit sem þú finnur á vefnum. 

Smelltu hér til að hlaða Zoom niður í tölvuna þína eða farsíma.

Hlekkir á fundi eru sendir út samdægurs, að morgni til, með tölvupósti. Þú finnur hlekk á fund einnig samdægurs inn í prívat Facebookgrúppunni okkar. 
Ath. Hlekkir á VIP fundi eru aldrei sendir út, en þær sem komnar eru í VIP aðild, finna hlekki undir lotu 6: VIP aðild.

Allir fundir eru teknir upp og settir á innri vef innan 48 klst. virka daga.

Þú missir því aldrei af fundi og getur horft á þá aftur og aftur, allt að ár aftur í tímann, þegar þér hentar.

Þú finnur allar upptökur af fundum undir liðnum „Fundir".

MÁNAÐARAÐILD:
Ef þú ert í mánaðarlegum greiðslum, smelltu hér til að horfa á fundi.

ÁRSAÐILD:
Ef þú ert með ársaðild smelltu þá hér til að horfa á fundi.

Allir fundir eru teknir upp og settir á innri vef innan 48 klst. virka daga. Þú missir því aldrei af fundi og finnur upptökur af fundum undir lotunni „Fundir".

Já þú getur það. Vertu þá viss um að slökkt sé á bæði myndavél og hljóði.
Í stiku neðst á zoom skjánum slekkurðu á myndavél með því að smella á Stop video og til að slökkva á hljóði smellurðu á mynd af hljóðnema og ýtir á Mute.

LMLP samfélagið er uppbyggjandi og styðjandi. Við erum hér til að fagna hver annarri. Við sýnum virðingu og vinsemd.

Spurningar um tæknmál eða greiðslur fara ekki í Facebookgrúppu.

Það gerirðu með því að senda tölvupóst á skrifstofuna á netfang [email protected]

Til að fá aðgang að prívat FB grúppunni þarf að vera mynd við prófílinn og sama nafn og á áskrift (ekki nafn maka).