Fréttabréf mánaðarins

Í lok hvers mánaðar sendi ég ykkur fréttabréf næsta mánaðar og þá daga sem fundur er sendi ég áminningu samdægurs nema þegar fundur er snemma dags, þá kemur áminning degi fyrr. Þetta er fréttabréf næsta mánaðar og eins og alltaf í okkar dásamlega samfélagi er margt spennandi á boðstólum.

Kæra LMLP kona,

Þegar fréttabréfið mánaðarins berst þér er ég á fullu að vinna að undirbúningi Framúrskarandi 2026 hér í Madríd með viðburðarstjóranum mínum. Ráðstefnan nálgast - stelpur, það eru tveir mánuðir þangað til. Þið vitið að ég elska gleði og glæsileika, því hlakka ég mikið til að taka á móti ykkur í Madrid, minni nýju heimaborg. Þar er líf og gleði á hverju götuhorni enda er borgin þekkt fyrir ríkar hefðir í matargerð og menningu. Við munum því geta notið lífsins bæði á ráðstefnunni sem verður á hinu glæsilega Mandarin Oriental Ritz hóteli og í borginni fögru í vor. Það gerist eitthvað stórkostlegt þegar margar konur koma saman í jákvæðni og vilja til að læra meira og gera betur. Það leysir magnaða orku úr úr læðingi -sannkallað girlpower.  Ef þú ert ekki nú þegar búin að skrá þig, láttu það eftir þér ég skal lofa þér því að það verður svo gaman hjá okkur. 

Þú getur leyft þér að hlakka til mars mánaðar hér í prógramminu. Að vanda verður margt spennandi á dagskrá, fundir, lífsþjálfun og í vinnustofu mánaðarins verður tekið fyrir frábært efni sem ég hvet ykkur til að horfa á. Þar ætla ég að tala um hinn fullkomna dag, er hann bara draumsýn eða eitthvað sem þið getið skapað? Svo ætla ég að bjóða ykkur að skyggnast á bak við tjöldin hjá mér og segja ykkur frá þeim spennandi breytingum sem ég er að fara að gera. Ég er búin að vera mikið á ferðalagi sl. vikur og tek ykkur með mér og sýni ykkur aðeins frá þv. Þáttur 2 í seríu 2 verður aðgengilegur á innri vef LMLP laugardaginn 14. mars n.k.

Eins og þið vitið þá finnst mér gaman að koma ykkur á óvart og fara fram úr væntingum ykkar. Í febrúar byrjaði ég með Lífsmola, en það er skemmtileg nýjung inn í Samfélaginu. Þar deili ég af og til með ykkur stuttum hugleiðingum um lífið og tilveruna. Lífsmolarnir eru hljóðskilaboð sem tekur einungis nokkrar mínútur að hlusta á, eins konar mini-podcast. Það er óhætt að segja að molarnir hafi slegið í gegn og skapað góðar umræður inn í okkar dásamlega samfélagi.

Önnur skemmtileg nýjung sem mig langar að segja ykkur frá. Ég hef undanfarið fengið æ fleiri fyrirspurnir frá fólki um það hvort ég geti veitt ráðgjöf og leiðsögn í viðskiptum. Þetta er bæði fólk sem er að stíga sín fyrstu skref í rekstri fyrirtækja, eða vill læra nýja hluti, Það freistaði mín - að sjálfsögðu, því ég elska að kenna, hef menntun, áhuga og reynslu af viðskiptum - auk þess er það vinnan mín alla daga að reka farsælt netfyrirtæki.
Ég ákvað því að fylgja innsæinu og setti saman netnámskeiðið - 5 atriði í netrekstri sem verður haldið á netinu laugardaginn 21. mars frá 9:00 til 13:00. Námskeiðið kostar 39.000 en mig langar að gefa ykkur kæru LMLP 10.000 kr. afslátt af gjaldinu ef þið skráið ykkur fyrir lok febrúar.

→ Allar nánari upplýsingar og skráning hér. 

Og talandi um gjafir. Næsti hópur í Lífsþjálfaskólanum byrjar 19. ágúst og ég hef ákveðið að gefa þeim sem skrá sig fyrir 2. mars í Lífsþjálfaskólann sérstaka innskráningar gjöf (verðmæti 300.000). Ég býð þeim að verða viðskiptamenntorinn þeirra, sem þýðir að þær frá þrjá einkatíma yfir tímabilið þar sem ég leiðbeini þeim um hvernig þær geti sett upp fyrirtækið sitt svo þær séu tilbúnar þegar þær útskrifast og geti byrjað með rekstur um leið og þær útskrifast. Ef þú ert að spá í að skrá þig í skólann þá er um að gera að hafa hraðar hendur því það eru einungis 10 pláss í boði og nokkur eru þegar farin - og þetta verður ekki í boði aftur.

Að lokum, vil ég hvetja þig mín kæra LMLP kona til að hlúa að þér og sýna sjálfri þér mildi, hætta alveg að tala eða hugsa þig niður. Þannig tekur þú fyrsta skrefið í því að skapa þér grunn að góðu lífi.

Ég trúi að þér séu allir vegir færir og vil hjálpa þér að skapa það líf sem þig dreymir um og þú átt skilið.

Mér þykir vænt um ykkur allar og hef trú á ykkur.

Hlý kveðja.
Ykkar, 

Linda Pétursdóttir

Eigandi og framkvæmdastjóri LMLP slf.
Master lífsþjálfi
B.A í heimspeki, hagfræði og stjórnmálafræði
Miss World 1988

P.s.  Það er opið fyrir skráningu á Framúrskarandi ráðstefnuna 2026, sem fram fer í Madrid á Spáni dagana 30.04 - 03.05.2026. Ef þú vilt tryggja þér pláss getur þú skráð þig hér.

Dagskrá mars

 Við hvetjum ykkur til að mæta á alla fundi en minnum líka á að það er alltaf hægt að horfa á þá eftir á inn á innri vef eða í Samfélaginu.

Mánudagur 2. mars kl. 09:00   

Upptaka aðgengileg á innri vef

Vinnustofa - Hinn fullkomni dagur

Mánudagur 9. mars kl. 18:00   

Fókus og framkvæmd

Aukaefni!

Laugardagur 14. mars kl. 09:00   

Upptaka aðgengileg á innri vef

Á bak við tjöldin með Lindu

Sería 2, þáttur 2

 Miðvikudagur 18. mars kl. 12:00 

Lífsþjálfun

Miðvikudagur 25. mars kl. 17:00 

VIP - fundur

4 fundir á mánuði* eru innifaldir í áskrift, þar af 1 VIP fundur.
*fyrir utan júlí og desember vegna sumar- og jólafrís starfsmanna

Vinnustofa mánaðarins

Hinn fullkomni dagur

Vinnustofa mánaðarins Hinn fullkomni dagur verður birt mánudaginn 2. mars kl. 9:00

En það er upptaka sem verður aðgengileg á innri vef prógrammsins

Í henni fer Linda yfir að fullkomni dagurinn sé ekki bara draumur eða fantasía heldur ákveðin stefna og meðvituð hönnun, leiðarvísir fyrir framtíðarsjálfið þitt, þar sem þú hættir að bíða og byrjar að hanna dag sem þú elskar. Hann endurspeglar sjálfsmynd þína og með því að skoða HVAR þú ert, HVAÐ þú gerir og HVER þú ert og fara frá því að hugsa „einn góðan veðurdag“ yfir í „hvernig get ég byrjað í dag?“ finnur þú þinn fullkomna dag.
 

Mánudaginn 2.mars kl. 09:00

Á bakvið tjöldin með Lindu

Laugardaginn 14. mars kl. 09:00 ætla ég að leyfa ykkur að skyggnast á bak við tjöldin hjá mér og segja ykkur frá allskyns breytingum sem ég er að gera. Orð ársins hjá mér var frelsi og það er mitt leiðarljós í öllu sem ég geri.

Þáttur 2 í seríu 2 verður aðgengilegur á innri vef LMLP laugardaginn 14. mars n.k.

Komdu með okkur til Madrid

Nú styttist óðfluga í vinsælu ráðstefnuna okkar Framúrskarandi konan, sem verður haldin á glæsihótelinu Mandarin Oriental Ritz í Madríd, frá fimmtudegi til sunnudags, dagana 30. apríl - 3. mai.

Ráðstefnan er byggð upp í kringum sjálfsrækt og samveru – þar sem þú færð tækifæri til að staldra við, endurhlaða orkuna og tengjast bæði sjálfri þér og öðrum framúrskarandi LMLP konum. Við leggjum áherslu á umbreytingu, tengsl og sjálfsvinnu í glæsilegu umhverfi þar sem þú mátt slaka á, verða uppnumin, stíga inn í framtíðarsjálfið þitt-og skína. Þetta er fjórða LMLP ráðstefnan og konur hafa sagt að upplifun þeirra af ráðstefnunni hafi verið umbreytandi, hvernig þær sjá sig, líf sitt og framtíð. Þær segjast fara heim enn spenntari fyrir lífi sínu og möguleikum.

Dagskrá ráðstefnunnar

Fimmtudagurinn 30. apríl.

Kokteilboð kl. 20.00. 

Föstudagurinn 1. maí.

Framúrskarandi ráðstefna kl. 14-18. Mandarin Oriental Ritz hótelið 

Laugardagurinn 2. maí. 

Framúrskarandi ráðstefna kl. 10-14. Mandarin Oriental Ritz hótelið

Galadinner kl. 20.00*

Sunnudagurinn 3. maí.

„Óvæntur viðburður" utandyra kl. 12.00-15.00 

(nánari uppl. síðar). 

Kveðjustund og ráðstefnulok.

Smelltu hér til að skrá þig nú fer hver að verða síðust

Ef þú ert ennþá óákveðin þá finnur þú allar upplýsingar hér

Lífsþjáfun

Í lífsþjálfun kennum við konum að leita inn á við og finna svarið þar.

LMLP prógrammið er lífsþjálfunarprógramm, svo kölluð orsakaþjálfun þar sem við vinnum með rót vandans en ekki bara afleiðinguna. Við köfum dýpra og finnum raunverulega þrá og löngun okkar og þegar við vitum hverjar þær eru hefjum við vinnuna við að sjá framtíðarsjálfið fyrir okkur og í framhaldi af því hvernig við getum látið drauma okkar rætast. 

Í lífsþjálfun gerast alvöru breytingar, margar okkar hafa verið á sjálfstýringu svo lengi að við höfum týnt niður eiginleikum til að stjórna okkar lífi. Með þessari vinnu getur þú lært að taka stjórn á þínu lífi og þá eru þér allir vegir færir. 

Það er hægt að taka hvaða mál sem er fyrir í lífsþjálfun, hvort sem það eru sambönd við aðra, líðan okkar í vinnu, af hverju við gerum ekki það sem við ætluðum að gera eða finnst við vera fastar í tilbreytingarlausu lífi. Við hjálpum þér að skilja málið, eflum þig í að finna lausnina sem hentar þér.

Svona kemstu í lífsþjálfun

Þú getur fengið þjálfun í beinni á lífsþjálfunarfundi 18. mars. Þú mætir einfaldlega á fundinn og réttir upp hönd.

Viltu einkatíma í lífsþjálfun?

Það eru allir einkatímar hjá Lindu uppseldir en fljótlega verður opnað fyrir fleiri.

Þú getur bókað tíma hjá Matthildi sem er menntaður lífsþjálfi úr Lífsþjálfaskólanum. Ef þú ert að spá í að bóka tíma er skynsamlegt að bóka núna því tímarnir hjá henni eru á tilboði til 15. mars.  Þú greiðir 15.900 í stað 19.900

→ Til þess að panta tíma, smelltu hér.

Samfélagið

Samfélagið er mikilvægur hluti af prógramminu. Þar geta konur komið saman og tekið þátt í umræðum um efni prógrammsins hvort sem það eru hugleiðingar eða spurningar um verkefni sem konur eru að vinna. Þar eru líka allar upplýsingar um það sem er á döfinni settar fram á skýran og fallegan hátt.

Innskráning:

Ef þú ert ekki ennþá búin að skrá þig þá hvet ég þig til að láta verða að því. Það er mjög auðvelt að skrá sig inn: 

Í tölvu smellir þú einfaldlega á LMLP Samfélagið sem birtist við hlið aðildar hnappsins

Í síma í smáforritinu Kajabi smellir þú á community sem birtist  neðst til hægri.    

Bættu svo endilega við mynd af þér í prófílinn þinn, því að er miklu skemmtilegra að sjá andlit með nafninu.

Í Samfélaginu tölum við um allt sem viðkemur LMLP og sjálfsvinnunni og efninu í prógramminu en það er ekki staður fyrir tæknilegar spurningar eða spurningar um aðganginn ykkar, slíkar fyrirspurnir skulið þið senda á skrifstofa@lindape.com

Við mælum með

Podkast þætti nr. 141 Kröftugar aðgerðir

Taktu sjálfsvinnuna á næsta stig. Í þessum þætti segir Linda okkur hvernig við getum tekið fulla ábyrgð á lífi okkar, farið í kröftugar aðgerðir og lært af mistökum okkar. Smelltu hér til að hlusta.

Skuldbintu þig til að gefast ekki upp, Þær ná árangri sem vinna vinnuna. Byrjaðu á því að hlusta, horfa, gera verkefnin, skrifa í dagbókina og stígðu svo inn í óttann til að framkvæma það sem þú þú þarft að gera til að ná árangri.

Prófaðu lífsþjálfun, hvort sem þú mætir í lífsþjálfunartíma í prógramminu eða færð þér einkatíma þá er lífsþjálfun besta verkfærið í LMLP prógramminu. Þar færð þú leiðsögn til að takast á við nákvæmlega það sem þú ert í vandræðum með.

Lífsþjálfaskólinn

Næsti hópur í Lífsþjálfaskólanum fer af stað 19. ágúst

Á þetta við um þig?

Þú þráir dýpri tilgang í starfi þínu og vilt hjálpa fólki að yfirstíga hindranir og láta drauma sína rætast, hvort sem það er þitt eigið teymi eða viðskiptavinir þínir. 

Þig hefur dreymt um að mennta þig sem lífsþjálfi og langar að fara í virt nám sem er kennt á þínu eigin móðurmáli. 

Þú veist að þér var ætlað eitthvað meira og ert tilbúin  að fjárfesta í framtíð sem þar sem þú færð að nýta hæfileika þína til fulls.

Ef þú svaraðir einhverjum spurningunum „JÁTANDI!“ ertu akkúrat manneskjan sem við hönnuðum námið fyrir. Nánari upplýsingar og skráning hér

Þetta segja fyrrverandi nemendur um skólann:

Örfundir

Ertu í vandræðum?

Ertu að upplifa þig vera í vandræðum með tæknina, að komast inn á heimasvæðið eða ertu í einhverri lægð og finnst efnið vera yfirþyrmandi? 

Þá er Örfundur akkúrat fyrir þig. Örfundur er korters fundur á zoom þar sem við gerum okkar besta til að hjálpa þér að ná enn betri tökum LMLP Prógramminu. kostnaðarlausu. 

Smelltu hér til að panta örfund